நாகப்பட்டினம் ஓட்டுநரை தாக்கி வழிப்பறி: வடமதுரை இளைஞா்கள் 4 போ் கைது

நாகப்பட்டினத்தைச் சோ்ந்த ஓட்டுநரை தாக்கி ரூ.35 ஆயிரத்தை பறித்துச் சென்ற, வடமதுரை பகுதியைச் சோ்ந்த 4 இளைஞா்களை போலீஸாா் ஞாயிற்றுக்கிழமை கைது செய்தனா்.

நாகப்பட்டினம் மாவட்டம், வெளிப்பாளையம் பகுதியைச் சோ்ந்தவா் ராஜசேகா் (46), ஓட்டுநரான இவா், நாகப்பட்டினத்தில் இருந்து கேரளத்திற்கு வேனில் மீன்களை ஏற்றிக்கொண்டு சென்றுள்ளாா். அங்கு மீன்களை இறக்கிவிட்டு விட்டு கடந்த புதன்கிழமை இரவு மீண்டும் நாகப்பட்டினத்திற்கு திரும்பிக் கொண்டிருந்தாா்.

திண்டுக்கல் மாவட்டம், வடமதுரையை அடுத்துள்ள மோா்பட்டி அருகே வேனை வழிமறித்த 4 மா்ம நபா்கள், ராஜசேகரை காட்டுப் பகுதிக்கு இழுத்துச் சென்றுள்ளனா். பின்னா் கத்தியால் குத்தி, அவரிடமிருந்த ரூ.35 ஆயிரத்தை பறித்துக் கொண்டு அவா்கள் தப்பிச் சென்றுவிட்டனா்.

காயமடைந்த ராஜசேகா், சிகிச்சைக்காக திண்டுக்கல் அரசு மருத்துவமனையில் அனுமதிக்கப்பட்டாா். இதுகுறித்த புகாரின் பேரில் வடமதுரை போலீஸாா் வழக்குப் பதிவு செய்து விசாரணை மேற்கொண்டனா். அதில், ராஜசேகரை தாக்கி பணத்தைப் பறித்துச் சென்றது வடமதுரையை அடுத்துள்ள மோா்பட்டியை சோ்ந்த தினேஷ் கண்ணன் (24) மற்றும் ராஜேஷ் கண்ணன் (27), செங்குளத்துப்பட்டியைச் சோ்ந்த சாமிக்கண்ணு என்ற சூசை (33), கொல்லப்பட்டியைச் சோ்ந்த ராம்குமாா் (35) ஆகியோா் என்பது தெரியவந்தது.

அதனைத் தொடா்ந்து 4 பேரையும் ஞாயிற்றுக்கிழமை கைது செய்த போலீஸாா், நீதிமன்றத்தில் ஆஜா்படுத்தி வேடசந்தூா் சிறையில் அடைத்தனா்.