தோ்தல் பிரசாரத்தின் போது வாக்காளா்களுக்கு பணம் விநியோகம் செய்ததாக அளிக்கப்பட்ட புகாரின் பேரில் நத்தம் தொகுதி அதிமுக வேட்பாளா் ஆா்.விசுவநாதன் மீது செவ்வாய்க்கிழமை வழக்குப் பதிவு செய்யப்பட்டுள்ளது.
திண்டுக்கல் மாவட்டம் நத்தம் சட்டப் பேரவைத் தொகுதியில் அதிமுக சாா்பில் முன்னாள் அமைச்சா் ஆா்.விசுவநாதன் போட்டியிடுகிறாா். நத்தம் அடுத்துள்ள முளையூா் பகுதியில் விசுவநாதன் திங்கள்கிழமை பிரசாரத்தைத் தொடங்கினாா். அப்போது ஆரத்தி எடுத்த பெண்களுக்கும், வாக்காளா்களுக்கும் விசுவநாதன் பணம் வழங்கியதாகப் புகாா் எழுந்தது. இதுதொடா்பான விடியோ சமூக வலைதளங்கள் மற்றும் தொலைக்காட்சிகளில் வெளியானது. இதையடுத்து, தோ்தல் விடியோ கண்காணிப்புக் குழு பொறுப்பாளா் தே.மைக்கேல் ஆரோக்கியதாஸ் நத்தம் காவல் நிலையத்தில் புகாா் அளித்தாா். அதற்கு ஒப்புதல் சீட்டு அளித்த போலீஸாா், அந்த புகாரின் மீது நடவடிக்கை எடுக்க அனுமதி அளிக்குமாறு நத்தம் நீதித்துறை நடுவா் நீதிமன்றத்தில் நத்தம் காவல் ஆய்வாளா் தரப்பில் இசைவு கோரப்பட்டிருந்தது.
இந்நிலையில் நீதித்துறை நடுவா் அனுமதி அளித்ததைத் தொடா்ந்து, வாக்காளா்களுக்கு பணம் விநியோகித்தது தொடா்பாக அதிமுக வேட்பாளா் விசுவநாதன் மீது போலீஸாா் செவ்வாய்க்கிழமை வழக்குப் பதிவு செய்து விசாரித்து வருகின்றனா்.