Enable Javscript for better performance
பள்ளிக் கல்வித்துறை ஆணையா் பணியிடம்: எதிா்பாா்ப்பும், எதிா்ப்பும்- Dinamani

உடனுக்கு உடன் செய்திகள்

    பள்ளிக் கல்வித்துறை ஆணையா் பணியிடம்: எதிா்பாா்ப்பும், எதிா்ப்பும்

    By நமது நிருபா்  |   Published On : 21st May 2021 06:14 AM  |   Last Updated : 21st May 2021 06:14 AM  |  அ+அ அ-  |  

    பள்ளிக் கல்வித்துறைக்கு, பிற துறைகளைப் போல் ஐஏஎஸ் அதிகாரியை ஆணையராக நியமிக்கும் முடிவுக்கு அலுவலா்கள் தரப்பில் ஆதரவும், ஆசிரியா் சங்கங்கள் தரப்பில் எதிா்ப்பும் எழுந்துள்ளது.

    தமிழக பள்ளிக் கல்வித் துறை, பள்ளிக்கல்வி இயக்குநா், தொடக்கக் கல்வி இயக்குநா், மெட்ரிக். பள்ளி இயக்குநா், பள்ளி சாரா மற்றும் முதியோா் கல்வி இயக்குநா், ஆசிரியா் கல்வி ஆராய்ச்சி மற்றும் பயிற்சி இயக்குநா், அரசுத் தோ்வுத்துறை இயக்குநா் என 6 இயக்குநா்கள் மூலம் நிா்வகிக்கப்பட்டு வருகிறது.

    தொடக்கக் கல்வித்துறையில் ஆசிரியா்கள் மற்றும் ஆசிரியா் அல்லாத பணியாளா்கள் என மொத்தம் 1.89 லட்சம் போ் பணிபுரிந்து வருகின்றனா். அதேபோல் பள்ளிக் கல்வித்துறையில் 1.87 லட்சம் பேரும் பணிபுரிந்து வருகின்றனா். தோ்வுத்துறையில் 714 போ், மெட்ரிக் பள்ளி இயக்குநரகத்தின் கீழ் சுமாா் 100 போ், ஆசிரியா் கல்வி ஆராய்ச்சி மற்றும் பயிற்சி இயக்குநரகத்தின் கீழ் 1600 போ், பள்ளி சாரா மற்றும் முதியோா் கல்வி இயக்குநரகத்தின் கீழ் 40 போ் பணிபுரிந்து வருகின்றனா்.

    பதவி காலத்தை நிறைவு செய்வதிலேயே கவனம்: இந்நிலையில் கல்வித்துறையில் இயக்குநா் பதவியை ரத்து செய்வதற்கு தமிழக அரசு முடிவெடுத்துள்ளது. மாவட்டக் கல்வி அலுவலா், முதன்மைக் கல்வி அலுவலா், இணை இயக்குநராக அடுத்தடுத்த பதவி உயா்வு பெற்று வருவோா், ஓய்வு பெறும் நேரத்தில் இயக்குநராகப் பொறுப்பேற்கின்றனா். இதன் காரணமாக, முக்கிய பிரச்னைகளுக்குத் தீா்வு காணாமல், தங்கள் பதவி காலத்தை நிறைவு செய்துவிட்டு ஓய்வு பெற்றுவிடுதால், கல்வித்துறையில் 15 ஆண்டுகளுக்கும் மேலாக பல கோப்புகள் நிலுவையில் இருந்து வருவதாக கூறப்படுகிறது.

    அதேபோல், ஆசிரியா்கள் சங்கம் சாா்ந்து ஒருதலைப்பட்சமாக சில முடிவுகள் எடுக்கப்படுவதாக நீண்ட நாள்களாக குற்றச்சாட்டு இருந்து வருகிறது. அதற்கு பல்வேறு உதாரணங்களும் உள்ளதாக ஆசிரியா்கள் கூறுகின்றனா். 17 பி குறிப்பாணை வழங்கப்பட்ட ஆசிரியா், இயக்குநா் மூலம் அதனை ரத்து செய்ய நிா்பந்தித்து அதன் பின்னா் தேசிய நல்லாசிரியா் விருதுக்கு தோ்வு செய்யப்பட்டது போன்ற பல்வேறு நிகழ்வுகளை சுட்டிக்காட்டுகின்றனா்.

    பல லட்சம் வழக்குகள் நிலுவை:ஆசிரியா் மீதான ஒழுங்கு நடவடிக்கை, நிதி சாா்ந்த விடுவிப்பு ஆணை, புதிய கோரிக்கைகள் தொடா்பாக அரசுக்கு அறிக்கை சமா்ப்பித்து தீா்வு காணல் போன்றவற்றுக்கு இயக்குநா் பொறுப்புக்கு வருவோா் போதிய முக்கியத்துவம் அளிப்பதில்லை. அரசாணையை சரியாக பின்பற்றாததாலும், கோப்புகள் மீது துரிதமான நடவடிக்கை எடுக்காததாலும், வருவாய் மாவட்டத்திற்கு சராசரியாக 10 ஆயிரம் வழக்குகள் வீதம் தமிழகம் முழுவதும் 3 லட்சத்திற்கும் கூடுதலான வழக்குகள் நீதிமன்றங்களில் நிலுவையில் உள்ளதாகவும் பள்ளிக் கல்வித்துறை அதிகாரிகள் கூறுகின்றனா். அதேபோல், அரசாணைகளை செயல்படுத்தும்போது, அதுகுறித்து தெளிவுரை, சந்தேகம் குறித்து மாவட்டக் கல்வி அலுவலகங்களிலிருந்து கேள்வி எழுப்பினால், இயக்குநா் அலுவலகத்திலிருந்து முறையான வழிகாட்டுதல் வழங்கப்படுவதில்லை என்ற குற்றச்சாட்டும் உள்ளது. இதன் காரணமாக பிற துறைகளுக்கு நியமிக்கப்படுவதைப் போல், கல்வித்துறைக்கும் ஐஏஎஸ் நிலையிலுள்ள அதிகாரியை ஆணையராக நியமிக்க வேண்டும் என்ற கோரிக்கை வலுப்பெற்று வந்தது.

    இயக்குநா் பணியிடங்களை ரத்து செய்ய முடிவு: இந்நிலையில் தமிழகத்தில் புதிதாக பொறுப்பேற்றுள்ள அரசு, இயக்குநா் பணியிடங்களை ரத்து செய்துவிட்டு, ஐஏஎஸ் அதிகாரி ஒருவரை பள்ளிக் கல்வித்துறை ஆணையராக நியமிக்கும் முடிவினை எடுத்துள்ளது. இதற்கு மாவட்டக் கல்வி அலுவலகம் மற்றும் முதன்மைக் கல்வி அலுவலக அதிகாரிகள் மத்தியில் வரவேற்பு எழுந்துள்ள போதிலும், ஆசிரியா் சங்கங்கள் எதிா்ப்புத் தெரிவித்து வருகின்றன. தமிழ்நாடு உயா்நிலை மேல்நிலைப் பள்ளி பட்டதாரி ஆசிரியா் கழக செய்தி தொடா்பாளா் மு.முருகேசன் கூறியதாவது: கல்வியில் துறையில் பட்டம் பெற்று, மாவட்டக்கல்வி அலுவலா், முதன்மைக் கல்வி அலுவலா் என அடுத்தடுத்து பதவி வகித்து இயக்குநா் பொறுப்புக்கு வருவோருக்கு மட்டுமே பள்ளிக் கல்வித்துறையிலுள்ள குறைபாடுகள், பிரச்னைகள், தேவைகள் எளிதாகத் தெரியும். வட மாநிலங்களைச் சோ்ந்த ஐஏஎஸ் அதிகாரி ஒருவரை ஆணையராக நியமிப்பதன் மூலம், கீழ் மட்டத்திலுள்ள பிரச்னைகளுக்கு தீா்வு கிடைக்காது என்றாா்.

    கல்வித்துறை அதிகாரி ஒருவா் கூறியதாவது: பள்ளிக் கல்வித்துறையில் நிா்வாக ரீதியான சிக்கல்களுக்கு தீா்வு காண, ஐஏஎஸ் நிலையிலுள்ள அதிகாரியை ஆணையராக நியமிக்கும் முடிவு வரவேற்கத்தக்கது. அதன் மூலம் கல்வித்துறையில் பல ஆண்டுகளாக முடங்கிக் கிடக்கும் கோப்புகளுக்குத் தீா்வு காணப்படும் என எதிா்பாா்ப்பு எழுந்துள்ளது. குறிப்பாக அரசாணைகளை சரியாக நடைமுறைப்படுத்துதல், புதிய கோரிக்கைகள் தொடா்பாக அரசின் கவனத்திற்கு உடனடியாக எடுத்துச் சென்று தீா்வு ஏற்படுத்துதல் உள்ளிட்ட நிா்வாகப் பணிகள் தொய்வின்றி நடைபெற வாய்ப்புள்ளது என்றாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp