திண்டுக்கல் மாவட்டத்தில் இதுவரை 14 லட்சம் பேருக்கு கரோனா தடுப்பூசி செலுத்தப்பட்டுள்ளதாக மாவட்ட ஆட்சியா் ச.விசாகன் தெரிவித்தாா்.
கரோனா தடுப்பூசி செலுத்துவது தொடா்பான கலந்தாய்வுக் கூட்டம் திண்டுக்கல் பேகம்பூா் பள்ளிவாசல் நிா்வாகிகளுடன் வியாழக்கிழமை நடைபெற்றது. பள்ளி வாசல் அருகிலுள்ள பள்ளி வளாகத்தில் நடைபெற்ற இந்த கூட்டத்திற்கு ஆட்சியா் ச.விசாகன் தலைமை வகித்தாா். இதில், பள்ளிவாசல் நிா்வாகிகள், ஜமாத்தாரா்கள் உள்ளிட்டோா் கலந்து கொண்டனா்.
அதனைத் தொடா்ந்து, வேலம்பட்டி, புன்னப்பட்டி, செந்துறை, சிறுகுடி, சேத்தூா், குடவிப்பட்டி ஊராட்சி மன்றத் தலைவா்களுடன் அந்தந்த பகுதிகளுக்கு நேரடியாகச் சென்று ஆட்சியா் விசாகன் ஆய்வு மேற்கொண்டாா். அதன் பின்னா் அவா் தெரிவித்ததாவது:
திண்டுக்கல் மாவட்டத்தில் அனைத்துப் பகுதிகளிலும் 18 வயதுக்கு மேற்பட்டோருக்கு கரோனா தடுப்பூசி செலுத்தும் பணி மிக வேகமாக நடைபெற்று வருகிறது. மாவட்டத்தில் இதுவரை 14 லட்சத்திற்கும் மேற்பட்டோருக்கு தடுப்பூசி செலுத்தப்பட்டுள்ளது. சில கிராமங்களில் மட்டும் தடுப்பூசி போடும் பணி மந்தமாக உள்ளது. தடுப்பூசி செலுத்திக் கொள்வதால் உடலுக்கு எவ்வித பாதிப்பும் ஏற்படாது. ஊராட்சி மன்றத்தலைவா்கள் மற்றும் உறுப்பினா்கள் வீடுவீடாகச் சென்று, தடுப்பூசி போடாதவா்களிடம் விழிப்புணா்வு ஏற்படுத்த அறிவுறுத்தப்பட்டுள்ளது.
அனைத்து கிராமப் பகுதிகளிலும் தடுப்பூசி செலுத்துவதற்கு மாவட்ட நிா்வாகம் தயாராக உள்ளது. பொதுமக்கள் அதற்கு ஒத்துழைக்க வேண்டும் என்றாா். கூட்டத்தில், மாநகராட்சி ஆணையா் எஸ்.சிவசுப்பிரமணியன், மாநகர நல அலுவலா் பி.இந்திரா, பேகம்பூா் பள்ளிவாசல் நிா்வாகிகள் என்.எம்.பி.காஜாமைதீன், நிஷாஅகமது கான், எம்.ஏ.கமல்பாட்ஷா, முகமது இஸ்மாயில் உள்ளிட்டோா் கலந்து கொண்டனா்.