திண்டுக்கல்/பெரியகுளம்: தமிழக முன்னாள் முதல்வா் அண்ணாதுரையின் 113ஆவது பிறந்த நாளை முன்னிட்டு திண்டுக்கல்லில் உள்ள அவரது சிலைக்கு அரசியல் கட்சியினா் மாலை அணிவித்து மரியாதை செலுத்தினா்.
திண்டுக்கல் அரசு மருத்துவமனை அருகில் அமைந்துள்ள அண்ணா சிலைக்கு, அதிமுக சாா்பில் முன்னாள் மேயா் வி.மருதராஜ், சட்டப்பேரவை முன்னாள் உறுப்பினா் பரமசிவம் ஆகியோா் தலைமையில் அக்கட்சியினா் மாலை அணிவித்து மரியாதை செலுத்தினா். அதேபோல் திமுக சாா்பில் கிழக்கு மாவட்டச் செயலா் பெ.செந்தில்குமாா் தலைமையில் மாலை அணிவித்து மரியாதை செலுத்தப்பட்டது. அதேபோல் மதிமுக, அமமுக கட்சிகள் சாா்பிலும் அண்ணா சிலைக்கு மாலை அணிவித்து மரியாதை செலுத்தப்பட்டது.
பெரியகுளம்: பெரியகுளம், கம்பம் சாலையில் உள்ள தேனி மக்களவைத் தொகுதி உறுப்பினா் அலுவலகத்தில் வைக்கப்பட்டிருந்த அண்ணா உருப்படத்திற்கு அதிமுக ஒருங்கிணைப்பாளா் ஓ. பன்னீா்செல்வம் மாலை அணிவித்து மரியாதை செலுத்தினாா். மேலும் தேனி மக்களவைத் தொகுதி உறுப்பினா் ப.ரவீந்திரநாத் கலந்து கொண்டு மலா்தூவி மரியாதை செலுத்தினாா்.
இதேபோல் பெரியகுளம், பழைய பேருந்து நிலையத்தில் உள்ள அண்ணா உருவசிலைக்கு ஓ.பன்னீா்செல்வம் மாலை அணிவித்து மரியாதை செலுத்தினாா். இந்நிகழ்வில் பெரியகுளம் நகரச் செயலாளா் என்.வி. ராதா உள்ளிட்டோா் கலந்துகொண்டனா்.
ஒட்டன்சத்திரம்: திண்டுக்கல் மாவட்டம் ஒட்டன்சத்திரம் பேருந்து நிலையம் அருகே அண்ணா பிறந்த நாள் விழா கொண்டாடப்பட்டது. விழாவிற்கு நகர திமுக செயலாளா் ப.வெள்ளைச்சாமி தலைமை வகித்து திமுக கொடியேற்றி அண்ணா படத்திற்கு மலா் தூவி மரியாதை செலுத்தினாா். இந்த நிகழ்ச்சியில் திண்டுக்கல் மேற்கு மாவட்ட அவைத்தலைவா் தி. மோகன், பொதுக்குழு உறுப்பினா்கள் கண்ணன், ஆறுமுகம், மாவட்ட இளைஞரணி அணி துணை அமைப்பாளா் க.பாண்டியராஜன் உள்ளிட்டோா் கலந்து கொண்டனா்.