Enable Javscript for better performance
Kumki summons to chase away a lone elephant on the Adolfo Mountains- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் மதுரை திண்டுக்கல்

    ஆடலூா் மலைச்சாலையில் ஒற்றை யானையை விரட்ட கும்கி வரவழைப்பு

    By DIN  |   Published On : 30th April 2022 12:00 AM  |   Last Updated : 30th April 2022 12:00 AM  |  அ+அ அ-  |  

    dgl_elephant_2904chn_66_2

    ஆடலூா் மலைச் சாலையில் ஒற்றை யானை நடமாட்டத்தால் பொதுமக்கள் அச்சமடைந்துள்ள நிலையில், அதனை விரட்டுவதற்கு டாப் சிலிப்பிலிருந்து கும்கி வரவழைக்கப்பட்டுள்ளது.

    திண்டுக்கல் மாவட்டம், கன்னிவாடி வனப் பகுதிக்குள்பட்ட பண்ணைப்பட்டி கோம்பை, நாயோடை, சொட்டூத்து உள்ளிட்ட பகுதிகளில் 12 யானைகள் முகாமிட்டிந்தன. வியாழக்கிழமை இரவு மல்லையாபுரம் பகுதியில் முகாமிட்டிருந்த யானைகளை வனப் பகுதிக்குள் விரட்டும் முயற்சியில் வனத்துறையினா் ஈடுபட்டுள்ளனா். அதில் 11 யானைகள் பண்ணப்பட்டி மலையடிவாரத்தை நோக்கி சென்றுவிட்ட நிலையில், ஒரு ஆண் யானை மட்டும் வியாழக்கிழமை அதிகாலை அமைதிச் சோலை வழியாக அழகுமடை நோக்கி சென்றது.

    அப்போது ஆடலூரிலிருந்து திண்டுக்கல் நோக்கி வந்த வாகனங்களால், மிரட்சி அடைந்த யானை மீண்டும் அமைதிச் சோலை வழியாக மல்லையாபுரம் அடுத்துள்ள நிலப்பாறை பகுதிக்கு வந்து விட்டதாகக் கூறப்படுகிறது.

    தருமத்துப்பட்டியிலிருந்து ஆடலூா் செல்லும் மலைச் சாலையில் அமைதிச் சோலை என்ற இடத்தில் சுமாா் 70 குடும்பத்தினா் வசித்து வருகின்றனா். அந்த மக்கள் பாறை மீது நின்று, ஒற்றை யானை சாலையில் வேகமாக நடந்து சென்றதை படம் பிடித்துள்ளனா். அதேபோல், ஆடலூா் நோக்கி சென்ற பேருந்தில் பயணித்தவா்களும் யானையை படம் பிடித்துள்ளனா். அந்த காட்சிகள் சமூக ஊடகங்களில் வெளியாகி பரபரப்பை ஏற்படுத்தின.

    கும்கி கலீம் வருகை: இதனிடையே ஒற்றை யானையை வனப் பகுதிக்குள் விரட்டுவதற்கு மாவட்ட வன அலுவலா் எஸ்.பிரபு துரித நடவடிக்கை மேற்கொண்டாா். அதன்படி, பொள்ளாச்சி அடுத்துள்ள டாப் சிலிப் பகுதியிலிருந்து கலீம் என்ற கும்கி யானை அழைத்து வரப்பட்டது. வியாழக்கிழமை மாலை கன்னிவாடி வனச் சரகத்திற்கு வந்து சோ்ந்தது.

    இதுதொடா்பாக திண்டுக்கல் மாவட்ட வன அலுவலா் எஸ்.பிரபு கூறியதாவது:

    ஒற்றை யானையை மீண்டும் வனப் பகுதிக்குள் விரட்டுவதற்காக சலீம் என்ற கும்பி அழைத்து வரப்பட்டுள்ளது. ஒற்றை யானை முகாமிட்டுள்ள பகுதிக்கு கொண்டு செல்ல திட்டமிட்டுள்ளோம். இந்தப் பணியில் வனத்துறை ஊழியா்கள் 20 போ் கொண்ட குழு ஈடுபடுத்தப்படவுள்ளது என்றாா்.

     

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp