Enable Javscript for better performance
மதிப்புக் கூட்டப்பட்ட பொருள் தயாரிக்க தக்காளியை கூழாக்கும் இயந்திரம் அறிமுகம்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் மதுரை திண்டுக்கல்

    மதிப்புக் கூட்டப்பட்ட பொருள் தயாரிக்க தக்காளியை கூழாக்கும் இயந்திரம் அறிமுகம்

    By DIN  |   Published On : 14th March 2022 10:56 PM  |   Last Updated : 14th March 2022 10:56 PM  |  அ+அ அ-  |  

    dgl_tomato_juice_1403chn_66_2

    தக்காளி உள்ளிட்ட பழங்களை கூழாக்கும் இயந்திரத்தை பாா்வையிட்ட ஆட்சியா் ச.விசாகன்.

    தக்காளியை பயன்படுத்தி மதிப்புக்கூட்டப்பட்ட பொருள்கள் உற்பத்தி செய்வதற்கு தோட்டக்கலைத்துறை சாா்பில் நடமாடும் கூழாக்கும் இயந்திரம் அறிமுகப்படுத்தப்பட்டுள்ளது.

    திண்டுக்கல் மாவட்டத்தில், அய்யலூா், வடமதுரை, வேடசந்தூா், ஒட்டன்சத்திரம் உள்ளிட்ட பகுதிகளில் சுமாா் 6 ஆயிரம் ஏக்கா் பரப்பளவில் தக்காளி சாகுபடி செய்யப்படுகிறது. பெரும்பாலான காலங்களில் தக்காளிக்கு போதிய விலை கிடைக்காமல் விவசாயிகள் பாதிக்கப்படும் நிலை உள்ளது.

    இதனால், தக்காளியை பயன்படுத்தி மதிப்புக்கூட்டப்பட்ட பொருள்கள் தயாரிப்பதற்கு அரசு நடவடிக்கை எடுக்க வேண்டும் என விவசாயிகள் தரப்பில் தொடா்ந்து வலியுறுத்தப்பட்டு வந்தது.

    இந்நிலையில், திண்டுக்கல் மாவட்ட தோட்டக்கலைத்துறை சாா்பில் தக்காளியை அரைத்து கூழாக்கும் நடமாடும் இயந்திரம் மூலம் விவசாயிகளுக்கு விழிப்புணா்வு ஏற்படுத்துவதற்கு முயற்சி மேற்கொள்ளப்பட்டுள்ளது. தக்காளி கூழாக்கும் நடமாடும் இயந்திரத்தை மாவட்ட ஆட்சியா் ச.விசாகன் திங்கள்கிழமை பாா்வையிட்டாா். பின்னா் ஆட்சியா் விசாகன் தெரிவித்ததாவது:

    வீரிய ஒட்டு ரக விதைகள், குறுகிய காலத்தில் கூடுதல் வருவாய் என்ற அடிப்படையில் தக்காளி பயிரை அதிக அளவில் விவசாயிகள் சாகுபடி செய்து வருகின்றனா். ஒரே சமயத்தில் வரத்து அதிகரிக்கும்போது, விலை சரிவு ஏற்பட்டு விவசாயிகள் கடுமையாக பாதிக்கப்பட்டு வருகின்றனா்.

    இதனைத் தடுக்க, தக்காளி சாஸ், ஜாம் உள்ளிட்ட மதிப்பு கூட்டப்பட்ட பொருளாக மாற்றவும், பதப்படுத்தும் வசதியை மேற்கொள்ளவும் ரூ.40 லட்சம் மதிப்பில், பழங்களை கூழாக்கும் இயந்திரத்துடன் கூடிய வாகனம் செயல் விளக்கத்திற்காக திண்டுக்கல் மாவட்டத்திற்கு வந்துள்ளது.

    இந்த வாகனத்தில், எரிபொருளாக எரிவாயு பயன்படுத்தப்படுகிறது. நீராவி இயந்திரம் மூலம், பழங்களை கூழாக வேக வைத்து, பின்னா் குளிா்விக்கப்படுகிறது. அதனைத் தொடா்ந்து இயந்திரம் மூலம் அரைக்கப்படுகிறது. மதிப்பு கூட்டப்பட்ட பொருள்களுக்கு ஏற்ப, துணை பொருள்கள் பழக்கூழில் சோ்க்கப்பட்டு, பாட்டில்களில் அடைத்து விற்பனை செய்ய முடியும்.

    தக்காளி மட்டுமின்றி மாம்பழம், பப்பாளி, கொய்யா உள்ளிட்ட பழங்களையும் மதிப்பு கூட்டப்பட்ட பொருள்களாக மாற்ற முடியும். விலை வீழ்ச்சி அடைந்துள்ள காலங்களில், தக்காளியை மதிப்புக்கூட்டு பொருளாக மாற்றி, விற்பனை செய்தால் விவசாயிகளுக்கு கூடுதல் வருவாய் கிடைக்கும்.

    1,000 கிலோ தக்காளியை பயன்படுத்தினால் 500 கிலோ தக்காளி பழக்கூழ் கிடைக்கும். இந்த இயந்திரம் மூலம் நாளொன்றுக்கு ஒரு டன் தக்காளியை கூழாக்க முடியும். ரூ.6ஆயிரம் முதல் ரூ.9ஆயிரம் வரை லாபம் கிடைக்கும் என்றாா். அப்போது மாவட்ட வருவாய் அலுவலா் வே.லதா, தோட்டக்கலைத்துறை துணை இயக்குநா் ஜெ.பெருமாள்சாமி ஆகியோா் உடனிருந்தனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp