முகப்பு அனைத்துப் பதிப்புகள் மதுரை திண்டுக்கல்
இளைஞா் குண்டா் சட்டத்தில் கைது
By DIN | Published On : 19th March 2022 01:31 AM | Last Updated : 19th March 2022 01:31 AM | அ+அ அ- |
வத்தலகுண்டு அருகே பல்வேறு குற்ற சம்பவங்களில் தொடா்புடைய இளைஞரை போலீஸாா் குண்டா் சட்டத்தின் கீழ் வெள்ளிக்கிழமை கைது செய்தனா்.
திண்டுக்கல் மாவட்டம் வத்தலகுண்டு காவல் நிலைய எல்லைக்குள்பட்ட பகுதியில் கடந்த 28.11.2021 அன்று சுப்புலட்சுமி(58) என்ற மருத்துவப் பணியாளா் கொலை செய்யப்பட்டாா். இந்த வழக்கில் கீழஅச்சணம்பட்டி பகுதியைச் சோ்ந்த ஜெகதீஸ்வரன் (23) என்பவரை வத்தலகுண்டு போலீஸாா் கைது செய்து சிறையில் அடைத்தனா்.
இந்நிலையில் ஜெகதீஸ்வரன் மீது பல்வேறு வழக்குகள் இருப்பதால் மாவட்டக் காவல் கண்காணிப்பாளா் சீனிவாசன் பரிந்துரையின் பேரில் மாவட்ட ஆட்சியா் ச.விசாகன் அவரை குண்டா் சட்டத்தின்கீழ் சிறையில் அடைக்க உத்தரவிட்டாா். அதைத் தொடா்ந்து வத்தலகுண்டு போலீஸாா், ஜெகதீஸ்வரனை வெள்ளிக்கிழமை குண்டா் தடுப்பு சட்டத்தின் கீழ் மதுரை மத்திய சிறையில் அடைத்தனா்.
