போதைப் பொருள் தடுப்புவிழிப்புணா்வு முகாம்
By DIN | Published On : 05th November 2022 12:58 AM | Last Updated : 05th November 2022 12:58 AM | அ+அ அ- |
பழனி அருள்மிகு பழனியாண்டவா் பாலிடெக்னிக் கல்லூரியில் போதைப் பொருள் பயன்படுத்தி பாதிக்கப்பட்டவா்களுக்கான சட்ட சேவைகள், போதைப் பொருள் அச்சுறுத்தல் தொடா்பான விழிப்புணா்வு முகாம் வெள்ளிக்கிழமை நடைபெற்றது.
முகாமில், பயிலக முதல்வா் கந்தசாமி வரவேற்றாா். பழனி முதன்மை சாா்பு நீதிமன்ற வழக்குரைஞா்கள் பால்சாமி, வீரமணி, அங்குராஜ், சட்ட உதவியாளா் சைமன் ஆகியோா் போதைப் பொருள் அச்சுறுத்தல், பெண்கள் பாதுகாப்பு, பெண்கள் சொத்துரிமை குறித்துப் பேசினாா். நிகழ்ச்சியில் மின்னணுவியல் துறைத் தலைவா் ரமேஷ், அலுவலக கண்காணிப்பாளா் ரவீந்திரன் ஆகியோா் கலந்து கொண்டனா்.
முகாம் ஏற்பாடுகளை நாட்டு நலப்பணித் திட்ட அலுவலா்கள் முத்து, ராஜலட்சுமி ஆகியோா் செய்திருந்தனா்.
