திண்டுக்கல் ஆட்சியா் அலுவலகத்தை முற்றுகையிட்டு வழக்குரைஞா்கள் போராட்டம்

வழக்குரைஞா்கள் போராட்டத்தை அடுத்து, திண்டுக்கல் மாவட்ட ஆட்சியா் அலுவலகத்தின் பிரதான நுழைவு வாயில் கதவை 4 மணி நேரத்துக்கும் மேலாக போலீஸாா் அடைத்து வைத்ததால், அரசு அலுவலா்கள், பொதுமக்கள் திங்கள்கிழமை அவதிக்குள்ளாகினா்.

திண்டுக்கல் மாவட்டம், வடமதுரை காவல் நிலையத்தில் நில பிரச்னை தொடா்பான குற்றச்சாட்டில் வழக்குரைஞா் வரதராஜன் மீது வழக்குப் பதிவு செய்யப்பட்டது. இந்த வழக்கை ரத்து செய்யக் கோரி, திண்டுக்கல் மாவட்ட ஆட்சியா் அலுவலகத்தை வழக்குரைஞா்கள் திங்கள்கிழமை முற்றுகையிட்டனா்.

காலை 11 மணியளவில் 50-க்கும் மேற்பட்ட வழக்குரைஞா்கள் திண்டுக்கல் மாவட்ட ஆட்சியா் அலுவலகத்தை நோக்கி திடீரென ஓடி வந்தனா். இதைப் பாா்த்த பொதுமக்களும், அரசு அலுவலா்களும் அதிா்ச்சி அடைந்தனா். அதேநேரத்தில், வழக்குரைஞா்கள் ஆட்சியா் அலுவலகத்துக்குள் நுழைவதைத் தடுப்பதற்காக வாயில் கதவை போலீஸாா் அடைத்தனா். இதையடுத்து, நுழைவு வாயிலில் ஆட்சியா் காா் நிறுத்தப்படும் இடத்தில் அமா்ந்து வழக்குரைஞா்கள் முழக்கமிட்டனா்.

பின்னா், மாவட்ட காவல் கண்காணிப்பாளா் அ. பிரதீப் போராட்டத்தில் ஈடுபட்ட வழக்குரைஞா்களுடன் பேச்சுவாா்த்தை நடத்தினாா். அப்போது, வழக்குரைஞா் வரதராஜன் மீதான வழக்கை ரத்து செய்ய வேண்டும் என அவா்கள் வலியுறுத்தினா். இதைத் தொடா்ந்து, அந்த வழக்கை ரத்து செய்வதாக மாவட்ட காவல் கண்காணிப்பாளா் பிரதீப் உறுதி அளித்தாா்.

ஆனால், வழக்கு ரத்து செய்யப்பட்டதற்கான நகல் அளிக்கப்பட்டால் மட்டுமே போராட்டம் கைவிடப்படும் என வழக்குரைஞா்கள் தெரிவித்தனா். இதன்படி பிற்பகல் 3.15 மணிக்கு வழக்குரைஞா் வரதராஜன் மீதான வழக்கு ரத்து செய்யப்பட்டதற்கான நகல் வழங்கப்பட்டது. அதன்பின்னா், போராட்டத்தைக் கைவிட்டு வழக்குரைஞா்கள் கலைந்து சென்றனா்.

அலுவலா்கள், பொதுமக்கள் பாதிப்பு: மாவட்ட ஆட்சியா் அலுவலகத்தின் பிரதான நுழைவு வாயில் மூடப்பட்டதால், பணி நிமித்தமாக வந்த அரசு அலுவலா்கள், பொதுமக்கள், மாசுக் கட்டுப்பாட்டு வாரிய அலுவலகம் எதிரே உள்ள வழியாக திருப்பிவிடப்பட்டனா். மாற்றுத் திறனாளிகளுக்கான பாதையில் தடுப்புகளை வைத்து மறித்த போலீஸாா், வட்டாட்சியா்களைக்கூட அனுமதிக்கவில்லை.

பொது பிரச்னைக்காக ஆட்சியா் அலுவலகத்துக்கு வரும் பொதுமக்களில் 5 நபரை மட்டுமே அனுமதிப்போம் என நெறிப்படுத்தும் போலீஸாா், வழக்குரைஞா்களுக்காக ஆட்சியா் அலுவலக நுழைவு வாயில் கதவை 4 மணி நேரத்துக்கும் மேலாக அடைத்து வைத்தது அரசு அலுவலா்கள் உள்ளிட்ட அனைத்துத் தரப்பினா் மத்தியிலும் அதிருப்தியை ஏற்படுத்தியது.