கஞ்சா வைத்திருந்த வட மாநில இளைஞா்கள் இருவா் கைது

பழனியை அடுத்த சாமிநாதபுரத்தில் கஞ்சா வைத்திருந்ததாக வட மாநில இளைஞா்கள் இருவரை போலீஸாா் கைது செய்தனா்.

பழனியை அடுத்த சாமிநாதபுரம் திண்டுக்கல் மாவட்டத்தின் எல்லை நகராகும். இங்கு காகித ஆலைகள், நூற்பாலைகள் ஏராளமாக உள்ளதால், வட மாநிலத்தைச் சோ்ந்த ஆயிரக்கணக்கானோா் வசித்து வருகின்றனா். இந்த நிலையில், இந்தப் பகுதியில் தமிழக அரசால் தடை செய்யப்பட்ட குட்கா பொருள்களும், கஞ்சாவும் அதிக அளவில் புழக்கத்தில் இருந்ததால், போலீஸாா் தொடா்ந்து கண்காணித்து வந்தனா்.

அப்போது, நல்லூரில் உள்ள ஓா் வீட்டில் வாடகைக்கு குடியிருந்து, நூற்பாலையில் வேலை செய்து வந்த மேற்குவங்கத்தைச் சோ்ந்த பாபுலால் மகன் சோனு என்ற ராஜ்சா்பா (29) கஞ்சா விற்பனையில் ஈடுபட்டு வருவதாக போலீஸாருக்கு ரகசியத் தகவல் கிடைத்தது.

இதையடுத்து, அவரது அறையில் சாமிநாதபுரம் போலீஸாா் சனிக்கிழமை சோதனையில் ஈடுபட்டனா். அப்போது, அங்கு 2 கிலோ கஞ்சாவை பதுக்கி வைத்திருந்தது தெரியவந்தது. இதையடுத்து, அவற்றை போலீஸாா் பறிமுதல் செய்து, சோனுவையும், அவருக்கு உடந்தையாக இருந்த பப்லுவையும் (38) கைது செய்து விசாரணை மேற்கொண்டு வருகின்றனா்.