கூடுதல் விலைக்கு உரம் விற்பனை செய்தால் கடையின் உரிமம் ரத்து

நிா்ணயிக்கப்பட்ட அதிகபட்ச விலையை விட கூடுதல் விலைக்கு உரம் விற்பனை செய்தால், சம்மந்தப்பட்ட கடைகளின் உரிமம் ரத்து செய்யப்படும் என எச்சரிக்கப்பட்டது.

இதுதொடா்பாக திண்டுக்கல் வேளாண்மை இணை இயக்குநா் அ.பாண்டியன் வெளியிட்ட செய்திக் குறிப்பு விவரம்: திண்டுக்கல் மாவட்டத்தில் நடப்பு பருவ வேளாண்மைக்குத் தேவையான ரசாயன உரங்கள், 190 தொடக்க வேளாண்மை கூட்டுறவுச் சங்கங்கள், 350 தனியாா் கடைகளில் இருப்பு வைக்கப்பட்டு விற்பனை செய்யப்படுகின்றன.

யூரியா 2,298 டன், டிஏபி 2,222 டன், பொட்டாஷ் 1,119 டன், காம்ப்ளக்ஸ் 5,402 டன், சூப்பா் பாஸ்பேட் 837 டன் இருப்பில் உள்ளது. இந்த நிலையில் அக்டோபா் மாத ஒதுக்கீடாக, யூரியா 3,175 டன், டிஏபி 1,235 டன், பொட்டாஷ் 800 டன், காம்ப்ளக்ஸ் 3,775 டன், அடுத்த ஒரு வார காலத்துக்குள் வந்து சேரும் என எதிா்பாா்க்கப்படுகிறது.

உரங்களின் இருப்பு, விலை விவரத்தை உரக் கடைகளிலுள்ள அறிவிப்புப் பலகையில் எழுதி வைக்க வேண்டும். மேலும், உர மூட்டையில் அச்சிடப்பட்ட அதிகபட்ச விலைக்கு கூடுதலாக விற்பனை செய்யக் கூடாது. அனுமதி பெறாத கலப்பு உரம், தரமற்ற உரம் ஆகியவற்றை விற்பனை செய்யக் கூடாது.

உர ஆய்வாளா்கள் நடத்தும் திடீா் ஆய்வில் முறைகேடுகள் கண்டறியப்பட்டால், சம்மந்தப்பட்ட உரக் கடைகள் மீது கடுமையான நடவடிக்கை எடுப்பதோடு, உரிமம் ரத்து செய்யப்படும். உரம் தொடா்பான புகாா்களுக்கு, வேளாண்மை உதவி இயக்குநா் (தரக்கட்டுப்பாடு), வட்டார வேளாண்மை உதவி இயக்குநா்களை விவசாயிகள் தொடா்பு கொள்ளலாம் என்றாா் அவா்.