Enable Javscript for better performance
வாழ்க்கைக்கு ஒளியேற்றும் விளக்கு கீதை- Dinamani

சுடச்சுட

    

    வாழ்க்கைக்கு ஒளியேற்றும் விளக்காக பகவத் கீதை திகழ்கிறது என்று தமிழக கூட்டுறவுத் துறை அமைச்சர் செல்லூர் கே.ராஜூ கூறினார்.

    சின்மயா மிஷன் சார்பில் சேதுபதி மேல்நிலைப் பள்ளியில் ஞாயிற்றுக்கிழமை நடைபெற்ற பகவத்கீதை ஒப்புவித்தல் போட்டியைத் தொடங்கி வைத்து அமைச்சர் செல்லூர் கே.ராஜூ பேசியதாவது:

    பகவத்கீதை கூறும் கருத்துக்கள் ஒவ்வொன்றும் மிகவும் முக்கியத்துவம் வாய்ந்தவை. இன்றைய சூழலில் கீதையின் வழி நடப்பதை ஒவ்வொருவரும் பின்பற்ற வேண்டும். வாழ்க்கைக்கு ஒளியேற்றும் கீதையின் முக்கியத்துவத்தை பெற்றோரும், ஆசிரியர்களும் மாணவர்களுக்கு உணர்த்துவது அவசியம். இதன் மூலம் அவர்களை எதிர்காலத்தில் நல்ல குடிமக்களாக உருவாக்க முடியும் என்றார்.

    சுவாமி சிவயோகானந்தா: கீதை ஒப்புவித்தல் போட்டியில் அனைத்து மதம் மற்றும் சமூகங்களைச் சேர்ந்த மாணவர்கள் பங்கேற்றிருப்பது சிறப்பு அம்சம். வடமொழி என்றில்லாமல் வாழ்க்கைக்கான தத்துவம் என்பதை முக்கியமாகக் கொண்டு இப்போட்டி நடத்தப்பட்டுள்ளது.

    முதல் சுற்றில் 35 பள்ளிகளைச் சேர்ந்த 12,500 மாணவர்கள் பங்கேற்றனர். இதில் 600 பேர் இறுதிச் சுற்றுக்கு தேர்வாகினர். எல்.கே.ஜி. முதல் 9 ஆம் வகுப்பு வரை 5 பிரிவுகளாகப் போட்டி நடத்தப்பட்டு, ஒவ்வொரு பிரிவிலும் முதல் 3 இடங்களைப் பெற்றவர்களுக்குப் பரிசுகள் வழங்கப்படுகிறது என்றார்.

    வடமலையான் மருத்துவமனை தலைவர் டாக்டர் புகழகிரி, சென்ட்ரல் பேங்க் ஆப் இந்தியா மண்டல மேலாளர் கே.சந்தோஷ், சின்மயா மிஷன் தலைவர் எம்.எஸ்.மீனாட்சிசுந்தரம், விசுவ ஹிந்து பரிஷத் சின்மயா சோமசுந்தரம் உள்ளிட்ட பலர் பங்கேற்றனர்.

    மாலையில் நடந்த பரிசளிப்பு விழாவில், சின்மயா சேவா டிரஸ்ட் அறங்காவலர் சி.துரைப்பாண்டியன், ரேவிஷ் குழும இயக்குநர் என்.ஸ்ரீனிவாசன் ஆகியோர் பரிசுகளை வழங்கினர்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai