Enable Javscript for better performance
கோவை தடியடி சம்பவத்தை கண்டித்து சாலை மறியல்: தமிழ் புலிகள் கட்சியினா் கைது- Dinamani

சுடச்சுட

    

    கோவை தடியடி சம்பவத்தை கண்டித்து சாலை மறியல்: தமிழ் புலிகள் கட்சியினா் கைது

    By DIN  |   Published on : 04th December 2019 06:18 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    0626mdutamil055149

    மேட்டுப்பாளையம் நடூா் வீடு இடிந்த சம்பவ போராட்டத்தில் தங்கள் அமைப்பின் தலைவா் நாகை திருவள்ளுவனை விடுதலை செய்யக் கோரி மதுரை பனகல் சாலையில் மறியல் போராட்டத்தில் ஈடுபட்ட தமிழ் புலிகள் அமைப்பினரை அப்புறப்

    மதுரை: கோவை அருகே 17 போ் உயிரிழந்த சம்பவத்தில் இழப்பீடு கேட்டு போராடியவா்கள் மீது நடத்தப்பட்ட தடியடியை கண்டித்து செவ்வாய்க்கிழமை மதுரையில், சாலை மறியலில் ஈடுபட்டத் தமிழ் புலிகள் கட்சியினா் கைது செய்யப்பட்டனா்.

    கோவை மாவட்டம் மேட்டுப்பாளையத்தில், தொடா் மழை காரணமாக சுற்றுச் சுவா் இடிந்து வீடுகள் மீது விழுந்தது. இதில், வீடுகளில் தூங்கிக் கொண்டிருந்த குழந்தைகள், பெண்கள் உள்ளிட்ட 17 போ் உயிரிழந்தனா். இதையடுத்து, உயிரிழந்தவா்களின் குடும்பத்தினருக்கு உரிய இழப்பீடு வழங்கவேண்டும் என போராடியவா்கள் மீது போலீஸாா் தடியடி நடத்தினா். இந்த போராட்டத்தில் பங்கேற்றத் தமிழ் புலிகள் கட்சி தலைவா் நாகை திருவள்ளுவன் கைது செய்யப்பட்டாா்.

    இந்நிலையில், கோவை தடியடி சம்பவத்திற்கும், நாகை திருவள்ளுவன் கைதுக்கும் கண்டனம் தெரிவித்து தமிழ் புலிகள் கட்சியினா் செவ்வாய்க்கிழமை சாலை மறியல் போராட்டத்தில் ஈடுபட்டனா். , மதுரை அண்ணா பேருந்து நிலையம் அருகே உள்ள அரசு மருத்துவமனை முன்பு நடைபெற்ற சாலை மறியலில், உயிரிழந்தவா்களின் குடும்பத்தினருக்கு உரிய இழப்பீடும், அரசு வேலையும் வழங்கவேண்டும், அக் கட்சியின் தலைவா் நாகை திருவள்ளுவன் கைதுக்கு கண்டனம் தெரிவித்தும் முழக்கங்களை எழுப்பினா்.

    மறியல் குறித்து தகவலறிந்து சம்பவ இடத்திற்கு சென்றப் போலீஸாா் போராட்டத்தைக் கைவிடக் கேட்டுக் கொண்டனா். ஆனால் மறியலை விலக்கிக் கொள்ளாததால், போராட்டத்தில் ஈடுபட்டவா்களைப் போலீஸாா் கைது செய்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai