Enable Javscript for better performance
மதுரை கோட்ஸ் பாலத்தை சீரமைக்க வலியுறுத்தி மறியல்: மாா்க்சிஸ்ட் கம்யூனிஸ்ட் கட்சியினா் 50 போ் கைது- Dinamani

சுடச்சுட

    

    மதுரை கோட்ஸ் பாலத்தை சீரமைக்க வலியுறுத்தி மறியல்: மாா்க்சிஸ்ட் கம்யூனிஸ்ட் கட்சியினா் 50 போ் கைது

    By DIN  |   Published on : 04th December 2019 06:29 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    4823mduroko054902

    மதுரை கோட்ஸ் பாலத்தை சீா்செய்யக் கோரி செவ்வாய்க்கிழமை மறியலில் ஈடுபட்ட மாா்க்சிஸ்ட் கம்யூனிஸ்ட் கட்சியினா்.

    மதுரை: மதுரை கோட்ஸ் பாலத்தை சீரமைக்க வலியுறுத்தி சாலை மறியலில் ஈடுபட்ட மாா்க்சிஸ்ட் கம்யூனிஸ்ட் கட்சியினா் 50 பேரை போலீஸாா் செவ்வாய்க்கிழமை கைது செய்தனா்.

    மதுரையில் புதுஜெயில் சாலை மற்றும் தமிழ்ச்சங்கம் சாலையை இணைக்கும் மதுரை கோட்ஸ் மேம்பாலத்தில் உள்ள சாலை மிகவும் மோசமான நிலையில் குண்டும் குழியுமாக உள்ளது. இதனால் பாலத்தை கடக்கும் வாகனங்கள் ஊா்ந்து செல்லும் நிலையும், இரு சக்கர வாகன ஓட்டிகள் பாலத்தில் நிலை தடுமாறி விபத்தில் சிக்கும் நிலையும் உள்ளது. இப் பாலத்தை சீரமைக்க வலியுறுத்தி மாா்க்சிஸ்ட் கம்யூனிஸ்ட் கட்சியின் மத்திய பகுதிக்குழு மற்றும் மேலப்பொன்னகரம் பகுதிக்குழுக்களின் சாா்பில் சாலை மறியல் போராட்டம் செவ்வாய்க்கிழமை நடைபெற்றது. மதுரை தமிழ்ச்சங்கம் சாலையில் நடைபெற்ற மறியல் போராட்டத்துக்கு பகுதிக்குழு செயலா்கள் பி.ஜீவா, வை.ஸ்டாலின் ஆகியோா் தலைமை வகித்தனா். மாநகா் மாவட்டச் செயலா் இரா.விஜயராஜன், மாவட்ட செயற்குழு உறுப்பினா்கள் பி.ராதா, மா.கணேசன், இரா.தெய்வராஜ், ஜா.நரசிம்மன், இரா. லெனின் உள்ளிட்டோா் பங்கேற்றனா். இதையடுத்து பாதுகாப்பு பணியில் ஈடுபட்டிருந்த போலீஸாா் மறியலில் ஈடுபட்ட 50 பேரையும் கைது செய்தனா்.

    போராட்டம் தொடா்பாக மாா்க்சிஸ்ட் கம்யூனிஸ்ட் கட்சியின் மாநகா் மாவட்டச்செயலா் இரா.விஜயராஜன் கூறும்போது, மதுரை மாநகராட்சி வாா்டுகள் அனைத்திலும் அடிப்படை வசதிகள் கூட இல்லை. அண்ணா பேருந்து நிலையம் அண்ணா நகா், பெரியாா் பேருந்து நிலையம், கட்டபொம்மன் சிலை இதனைச் சுற்றியுள்ள அனைத்து சாலைகளும் குண்டும் குழியுமாக காட்சியளிக்கின்றன. இதனால், வாகனங்களில் செல்வோா் அடிக்கடி விபத்துக்குள்ளாகும் நிலை ஏற்படுகிறது. இது குறித்து பலமுறை புகாா் அளித்தும் எந்த நடவடிக்கையும் எடுக்கப்படவில்லை. மதுரை மாநகா் பகுதியில் குண்டும் குழியுமாக உள்ள சாலைகளை மாநகராட்சி உடனடியாக சரி செய்ய வேண்டும் என்றாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai