திருப்பரங்குன்றம்: மதுரையில் 12 ஆயிரம் வணிகா்களிடம் விற்பனை செய்வதற்கான உரிய உரிமம் இல்லாமல் உள்ளனா் என உணவு பாதுகாப்பு மாவட்ட நியமன அலுவலா் எம்.சோமசுந்தரம் தெரிவித்தாா்.
பசுமலை மன்னா் திருமலை நாயக்கா் கல்லூரியில் மண்டல உணவு பாதுகாப்பு குழுக் கூட்டம் செவ்வாய்க்கிழமை நடைபெற்றது.
கூட்டத்தில் மாவட்ட நியமன அலுவலா் எம்.சோமசுந்தரம் தலைமை வகித்து பேசியது: வியாபாரிகள் அனைவரும் விற்பனை செய்வதற்கான உரிமம் வாங்க வேண்டும். வியாபாரிகள் வணிகம் தொடா்பான சட்டங்களைத் தெரிந்து வைத்துக் கொள்ள வேண்டும். சட்டங்களை நீங்கள் அறிந்து வைத்திருக்கா விட்டால் அதிகாரிகளின் தொந்தரவு உங்களுக்கு இருக்கும். வணிகா்களின் பிரச்னைகளை தீா்ப்பதற்குத்தான் மண்டல உணவு பாதுகாப்பு குழு அமைக்கப்பட்டுள்ளது. வணிகா்களை பாதுகாக்கவே சட்டம் உள்ளது. நசுக்குவதற்காக அல்ல. விற்பனை செய்வதற்கான உரிமம் ஆண்டுக்கு ஒருமுறை எடுப்பதற்கு பதிலாக 5 ஆண்டுகளுக்கு ஒருமுறை எடுத்துக் கொள்ளுங்கள். இதன் மூலம் உங்களுக்கு அதிக பணம் மிச்சமாகும். மேலும் விற்பனை உரிமம் பெறுவதன்மூலம் அரசு உங்களுக்கு மானியத்துடன் கூடிய கடன் வழங்குகிறது. மேலும், விற்பனை உரிமம் பெற உரிய அதிகாரிகளை நேரடியாக சென்று பாருங்கள். இடைத்தரகா்களை நம்பாதீா்கள். மதுரையில் மட்டும் 12 ஆயிரம் வணிகா்களிடம் உரிய உரிமம் இல்லை. இதில், ஆயிரத்து 400 வணிகா்களுக்கு விளக்கம் கேட்டு நோட்டீஸ் அனுப்பப்பட்டுள்ளது என்றாா்.
நிகழ்ச்சிக்கு கல்லூரி செயலா் எம்.விஜயராகவன் முன்னிலை வகித்தாா். உணவு பாதுகாப்பு அலுவலா் எஸ்.ராஜ்குமாா் வரவேற்றாா். திருப்பரங்குன்றம் உணவு பாதுகாப்பு அலுவலா் எஸ்.சிவச்சந்திரன் நன்றி கூறினாா். கூட்டத்தில் ஏராளமான வணிகா்கள் பங்கேற்றனா்.