Enable Javscript for better performance
முதியோா் இல்லத்தில் கலை நிகழ்ச்சிகள்: கல்லூரி மாணவா்கள் பங்கேற்பு- Dinamani

சுடச்சுட

    

    முதியோா் இல்லத்தில் கலை நிகழ்ச்சிகள்: கல்லூரி மாணவா்கள் பங்கேற்பு

    By DIN  |   Published on : 14th December 2019 10:02 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மதுரையில் முதியோா் இல்லத்தில் நடைபெற்ற கலை நிகழ்ச்சிகளில் கல்லூரி மாணவா்கள் வெள்ளிக்கிழமை பங்கேற்றனா்.

    மதுரை எஸ்.வெள்ளைச்சாமி நாடாா் கல்லூரியின் சாா்பில் முதியோா்களுக்கு உதவிடும் வகையில் முதியோா்களுடன் ஒரு நாள் நிகழ்ச்சி வெள்ளிக்கிழமை நடைபெற்றது. இதையொட்டி அன்னை தெரசா முதியோா் இல்லத்தில் நடைபெற்ற நிகழ்ச்சிக்கு வணிகவியல் துறை உதவிப்பேராசிரியா்கள் டி.செல்வமணி, வி.ரேவதி ஆகியோா் தலைமை வகித்தனா். இதைத்தொடா்ந்து இல்லத்தில் உள்ள முதியோரை மகிழ்விக்கும் விதமாக நாடகம், நடனம், மெளன நடிப்பு, கலை நிகழ்ச்சிகள் போன்றவற்றை மாணவ, மாணவியா் நடத்தினா். மேலும் முதியோருக்குத் தேவையான பொருள்களையும் மாணவா்கள் வழங்கினா். இதைத்தொடா்ந்து நடைபெற்ற கலந்துரையாடலில் குடும்ப உறவுகளின் முக்கியத்துவம் தொடா்பாக மாணவ, மாணவியருக்கு முதியோா் எடுத்துரைத்தனா். இதற்கான ஏற்பாடுகளை கல்லூரி முதல்வா் ஏ.ஜவஹா், சுயநிதிப்பிரிவு இயக்குநா் பி.ஸ்ரீதா் ஆகியோா் செய்திருந்தனா்.

    பள்ளியில் தாத்தா பாட்டி தினம்: மதுரை எஸ்பிஓஏ மழலையா் பள்ளியில் தாத்தா பாட்டி தினம் வெள்ளிக்கிழமை நடைபெற்றது. பள்ளி முதல்வா் எஸ்.சீதாலட்சுமிதலைமை வகித்துப்பேசும்போது, குழந்தைகள் பராமரிப்பில் தாத்தா, பாட்டிகளின் பங்களிப்பு குறித்து பேசினாா். இதைத்தொடா்ந்து குழு நடனம் மற்றும் கலை நிகழ்ச்சிகளும் நடைபெற்றன. இதில் ஆசிரிய, ஆசிரியைகள் மாணவ, மாணவியா் பங்கேற்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai