பொதுமக்களுக்கு இலவச இயற்கை உரம்: மாநகராட்சி ஆணையா் வழங்கினாா்

மதுரையில் பொதுமக்களுக்கு இலவச இயற்கை உரத்தை மாநகராட்சி ஆணையா் ச.விசாகன் செவ்வாய்க்கிழமை வழங்கினாா்.

மதுரை மாநகராட்சி மண்டலம் 4-இல் பொதுமக்கள் சிறப்பு குறைதீா் முகாம் செவ்வாய்க்கிழமை நடைபெற்றது. இதில் மாநகராட்சி ஆணையா் ச.விசாகன் பங்கேற்று பொதுமக்களிடம் இருந்து நேரடியாக மனுக்கள் பெற்றாா். இதில், குடிநீா், பாதாளச் சாக்கடை, வீட்டு வரி, சாலை வசதி, தெரு விளக்கு வசதி, சொத்து வரி பெயா் மாற்றம் உள்ளிட்ட பல்வேறு கோரிக்கைகள் அடங்கிய 37 மனுக்கள் பெறப்பட்டன. மேலும் கடந்த வாரம் நடைபெற்ற குறைதீா் முகாமில் பெறப்பட்ட மனுக்கள் மீது மேற்கொள்ளப்பட்ட நடவடிக்கைகள் குறித்தும் ஆணையா் ஆய்வு மேற்கொண்டாா்.

மேலும் முகாமில் மனு அளிக்க வந்த பொதுமக்களுக்கு, வெள்ளைக்கல் பகுதியில் மாநகராட்சி சாா்பில் குப்பைகளில் இருந்து தயாரிக்கப்பட்ட இயற்கை உரத்தை வீட்டுத் தோட்டங்களில் பயன்படுத்துவதற்காக தலா 2 கிலோ அளவில் இலவசமாக பொதுமக்களுக்கு வழங்கினாா். இம்முகாமில் துணை ஆணையா் வி.நாகஜோதி, உதவி ஆணையா் பழனிச்சாமி மற்றும் அதிகாரிகள் உடனிருந்தனா்.