Enable Javscript for better performance
வேங்கடரமண பாகவத சேவா சமாஜம் சார்பில்இசைக் கலைஞர்களுக்கு விருது- Dinamani

உடனுக்கு உடன் செய்திகள்

    வேங்கடரமண பாகவத சேவா சமாஜம் சார்பில் இசைக் கலைஞர்களுக்கு விருது

    By DIN  |   Published On : 05th January 2019 08:03 AM  |   Last Updated : 05th January 2019 08:03 AM  |  அ+அ அ-  |  

    மதுரையில் வெள்ளிக்கிழமை தொடங்கிய வேங்கடரமண பாகவதர் ஜயந்தி இசை விழாவில் இசைக் கலைஞர்கள் விருது வழங்கி கொளரவிக்கப்பட்டனர்.
    சத்குரு தியாகராஜ சுவாமிகளின் சீடரான ஸ்ரீமத் வேங்கடரமண பாகவதரின் 238-ஆவது ஜயந்தி  இசை விழா மதுரை செளராஷ்டிரா சபை அரங்கில் தொடங்கியது. மதுரை ஸ்ரீமத் வேங்கடரமண பாகவத சேவா சமாஜம் சார்பில் நடைபெற்ற இவ்விழாவில் இசைக் கலைஞர்கள், சாதனையாளர்கள் விருது வழங்கி கெளரவிக்கப்பட்டனர்.
      இசைக் கலைஞர்கள்  த.லட்சுமணராஜ் (மிருதங்கம்), ஷோபனா விஜயகுமார் (வீணை), சச்சிதானந்தம் (வயலின்) ஆகியோருக்கு விருதுகளை நல்லி குப்புசாமி செட்டியார் வழங்கினார்.  மேலும், வேங்கடரமண பாகவதரின் இசைப்பணி குறித்து பல்வேறு மேடைகளிலும் சொற்பொழிவு ஆற்றிய பேராசிரியர் தா.கு.சுப்பிரமணியன், ஆர்.எஸ்.ஜீவன்லால், ஈரோடு கே.ஆர்.கிருஷ்ணமாச்சாரி ஆகியோர் பாராட்டு பெற்றனர்.  பேராசிரியர் தா.கு.சுப்பிரமணியனுக்குப் பதிலாக அவரது சகோதரர்  தா.கு. சௌந்தரராஜன் பாராட்டுச் சான்று பெற்றுக் கொண்டார்.
    இந்த விழாவில் நல்லி குப்புசாமி செட்டியார் பேசியது:
    சத்குரு ஸ்ரீ தியாகராஜ சுவாமிகளுக்கு திருவையாற்றில் ஆராதனை விழா நடைபெறுவதைப் போல மதுரையில் வேங்கடரமண பாகவதருக்கு ஜயந்தி இசை விழா நடத்துவது பாராட்டுக்குரியது. 
    இசைக்கு அவர் ஆற்றிய பணிகளை அடுத்த தலைமுறைக்கு கொண்டு செல்வது அவசியம். மதுரையில் நடைபெறும் இந்த விழாவைப் போல, தமிழகம் முழுவதும் அவரது இசைப் பணியைக் கொண்டு சேர்ப்பது அவசியம். குறிப்பாக, சென்னையில் வேங்கடரமண பாகவதருக்கு விழா எடுக்க முயற்சிகள் மேற்கொள்ளப்படும் என்றார்.
    சமாஜம் தலைவர் கே.ஆர்.சாந்தாராம், செயலர் டி.கே.ரவீந்திரநாத்,  முன்னாள் எம்பி ஏ.ஜி.எஸ்.ராம்பாபு உள்ளிட்ட பலர் கலந்து கொண்டனர்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp