Enable Javscript for better performance
மணல் கடத்தலைத் தடுக்க சாலைகளில் சிசிடிவி கேமரா பொருத்தக் கோரி மனு: 4 துறைகளின் செயலர்கள் பதிலளிக்க உ- Dinamani

உடனுக்கு உடன் செய்திகள்

    மணல் கடத்தலைத் தடுக்க சாலைகளில் சிசிடிவி கேமரா பொருத்தக் கோரி மனு: 4 துறைகளின் செயலர்கள் பதிலளிக்க உத்தரவு

    By DIN  |   Published On : 02nd March 2019 07:09 AM  |   Last Updated : 02nd March 2019 07:09 AM  |  அ+அ அ-  |  

    மணல் கடத்தலைத் தடுக்க முக்கியச் சாலைகளில் சிசிடிவி கேமராக்கள் பொருத்தக் கோரும்  மனுவுக்கு உள்துறை, வருவாய்த் துறை, பொதுப்பணித் துறை, போக்குவரத்துத்துறை செயலர்களுக்கு நோட்டீஸ் அனுப்ப  உயர்நீதிமன்ற மதுரை கிளை வெள்ளிக்கிழமை உத்தரவிட்டது.
     புதுக்கோட்டை மாவட்டத்தைச் சேர்ந்த மணிகண்டன் தாக்கல் செய்த பொதுநல மனு: புதுக்கோட்டை மாவட்டத்தில் உள்ள அக்னி ஆறு, வெள்ளாறு, குண்டாறு பாம்பாறு உள்ளிட்ட ஆற்றுப் படுகைகளில் ஏராளமான லாரிகளில் மணல் கடத்தப்படுகிறது. இதனைத் தடுக்க மாவட்ட நிர்வாகத்திடம் மனு அளித்தும் போதிய நடவடிக்கை இல்லை. எனவே, ஆற்றை ஒட்டியுள்ள முக்கியச் சாலைகளில் குறிப்பிட்ட இடங்களில் சிசிடிவி கேமராக்கள் பொருத்தினால் மணல் கடத்தல் கும்பல் மற்றும் மணல் கடத்தும் வாகனங்களை கண்டுபிடிக்க வசதியாக இருக்கும். எனவே புதுக்கோட்டை மாவட்டத்தில் உள்ள முக்கிய சாலைகளில் சிசிடிவி கேமரா பொருத்த உத்தரவிட வேண்டும் என கோரியிருந்தார்.
    இந்த மனு நீதிபதிகள் கிருபாகரன், எஸ்எஸ் சுந்தர் அமர்வு முன் வெள்ளிக்கிழமை விசாரணைக்கு வந்தது. அப்போது, இம்மாவட்டத்தில் மணல் கடத்தல் தொடர்பாக கடந்த 5 ஆண்டுகளில் பதியப்பட்ட வழக்குகள் எத்தனை? அந்த வழக்குகளின் தற்போதைய நிலை என்ன? சட்டவிரோதமாக வெளி மாநிலங்களுக்கு மணல் கடத்த முயன்றபோது  எவ்வளவு மணல் மற்றும் வாகனங்கள் பறிமுதல் செய்யப்பட்டன? மேலும், மணல் கடத்தல் வழக்குகளை விசாரிக்க சிறப்பு நீதிமன்றங்கள் அமைக்கலாம் என்ற உத்தரவு எந்தளவுக்கு நடைமுறைப்படுத்தப்பட்டுள்ளது என கேள்விகள் எழுப்பிய நீதிபதிகள், இதுதொடர்பாக, உள்துறை, வருவாய்த் துறை, பொதுப்பணித் துறை, போக்குவரத்துத் துறை செயலர்களுக்கு நோட்டீஸ் அனுப்ப உத்தரவிட்டு வழக்கு விசாரணையை மார்ச் 15 ஆம் தேதிக்கு ஒத்திவைத்தனர்.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp