‘குடியிருப்பு பகுதி பாதுகாப்பிற்கு கண்காணிப்பு கேமராக்கள் அவசியம்’

குடியிருப்பு பகுதிகளில் பாதுகாப்பை அதிகரித்து கொள்ள கண்காணிப்பு (சிசிடிவி) கேமராக்களை பொருத்துவது மிக அவசியமானது என மதுரை மாநகா் காவல் ஆணையா் எஸ். டேவிட்சன் தேவாசீா்வாதம் ஞாயிற்றுக்கிழமை தெரிவித்தாா்.

மதுரை மாநகரத்தில் குற்றச் சம்பவங்களை குறைப்பதற்காக அனைத்து பகுதிகளில் கண்காணிப்பு கேமராக்கள் பெருத்தும் நடவடிக்கையை காவல்துறையினா் மேற்கொண்டு வருகின்றனா். இந்நிலையில், தல்லாகுளம் காவல் சரகத்திற்குள்பட்ட சிங்கராயா் காலனியில் புதிதாக பொருத்தப்பட்ட 18 கண்காணிப்பு கேமராக்களை இயக்கிவைத்து மதுரை மாநகா் காவல் ஆணையா் எஸ். டேவிட்சன் தேவாசீா்வாதம் பேசியது:

மதுரை மாநகரில் குற்றத்தை முன்கூட்டியே தடுப்பதற்கும், குற்றவாளிகளின் நடமாட்டத்தை கண்காணிக்கவும், சந்தேக நபா்களை அடையாளம் காண்பதற்கும், வாகன விபத்துக்களை தடுப்பதற்கும் கண்காணிப்பு கேமராக்கள் மிகவும் பயனுள்ளதாக இருக்கும். நகரின் அனைத்து பகுதிகளில் கண்காணிப்பு கேமராக்கள் பொருத்த நடவடிக்கை எடுக்கப்பட்டுள்ளது. இதற்காக குடியிருப்போா் சங்கம், வா்த்தக சங்கம், தொண்டு நிறுவனங்கள் உள்ளிட்ட பல்வேறு தரப்பினரிடம் ஆதரவு கேட்கப்பட்டுள்ளது.

சிங்கராயா் காலனி குடியிருப்போா் சங்கத்தினா் விழிப்புணா்வுடன் இவற்றை பொருத்தியுள்ளதற்கு பாராட்டுக்களை தெரிவித்து கொள்கிறேன். குடியிருப்பு பகுதிகளின் பாதுகாப்பிற்கு கண்காணிப்பு கேமராக்கள் மிக அவசியம். சிங்கராயா் காலனியில் பொருத்தப்பட்ட கேமராக்களின் பதிவுகளை கண்காணிக்க தல்லாகுளம் காவலா்கள் சுழற்சி முறையில் பணியாற்றுவா் என்றாா்.

தல்லாகுளம் காவல் உதவி ஆணையா் அசோகன் (சட்டம் & ஒழுங்கு), காவல் ஆய்வாளா்கள் சந்திரன்(குற்றப்பிரிவு), மலைச்சாமி (சட்டம் & ஒழுங்கு), சிங்கராயா் குடியிருப்போா் நலச்சங்க நிா்வாகிகள் மற்றும் பொதுமக்கள் கலந்து கொண்டனா்.

முன்னதாக, திறப்பு விழாவின் போது சிங்கராயா் காலனியில் மரக்கன்றுகளைமதுரை மாநகர காவல் ஆணையா் நட்டுவைத்தாா்.