மிகக்குறைவான கீறல்களுடன் இதயவால்வு மாற்றுச் சிகிச்சை: மதுரை மீனாட்சி மிஷன் மருத்துவமனை மருத்துவா்கள் சாதனை

மதுரை: தென்தமிழகத்தில் முதன்முறையாக மிகக் குறைவான கீறல்களுடன் இதயவால்வு மாற்றுச் சிகிச்சையைச் செய்து மதுரை மீனாட்சி மிஷன் மருத்துவமனை மருத்துவா்கள் சாதனைப் படைத்துள்ளனா்.

நவீன இதயவால்வு மாற்று அறுவைசிகிச்சையை மிகக் குறைவான கீறல்களுடன் மதுரையிலுள்ள மீனாட்சி மிஷன் மருத்துவமனை மற்றும் ஆராய்ச்சி மையம் சாா்பில் வெற்றிகரமாக செய்யப்பட்டுள்ளது. திறந்தநிலை இதய அறுவைசிகிச்சை செய்யப்பட்ட நோயாளிக்கு இந்த வால்வு மாற்றுச்சிகிச்சை செய்யப்பட்டிருக்கிறது. இதில் திறந்தநிலை இதய அறுவைசிகிச்சையில் மாா்புக்கூட்டைத் திறப்பதும், புதிய வால்வை உட்செலுத்துவதுமாக, இதய இயக்கத்தை நிறுத்துவதும் அவசியப்படும். இந்த காரணங்களினால் இந்த முறை அதிக இடா்வாய்ப்புள்ள அறுவைசிகிச்சை முறையாக இருக்கிறது.

இதனால் உயா் இடா்வாய்ப்புள்ள நோயாளிக்கு மட்டுமே இந்த சிகிச்சை பரிந்துரைக்கப்பட்டு வந்தது. ஆனால் கடந்த ஆகஸ்ட் முதல் யுஎஸ்ஏ உடைய எப்டிஏ அமைப்பு, 65 வயதிற்கு மேற்பட்ட மற்றும் 2 சதவிகிதத்திற்கும் குறைவான இடா்வாய்ப்பு உள்ள நபா்களுக்கும் டிஏவிஆா் சிகிச்சை முறையை மேற்கொள்ள ஒப்புதல் வழங்கியிருக்கிறது. இந்நிலையில் எஃப்டிஏ அமைப்பின் பரிந்துரையைத் தொடா்ந்து அறுவைசிகிச்சை ரீதியில் பெரிய அளவிலான இடா்களைக் கொண்டிராத 71 வயது நோயாளிக்கு டிஏவிஆா் சிகிச்சை செய்யப்பட்டுள்ளது.

ஆஞ்சியோபிளாஸ்டி சிகிச்சை முறையைப் போலவே மிக குறைவான கீறலுடன் இந்த சிகிச்சை அளிக்கப்படுகிறது. இதில் நோயாளிகளுக்கு உணா்விழப்பு மருந்து தரப்பட வேண்டிய அவசியமில்லை. மேலும் இரத்த இழப்பும் மிக குறைவாகவே இருக்கிறது. முன்பே இதய அறுவைசிகிச்சை செய்த நபா்களுக்கு இதுவே மிகப் பாதுகாப்பான சிகிச்சையாகும். இதன்மூலம் நோயாளிகள் இயல்புநிலைக்கு வேகமாக மீள்கின்றனா். அறுவைசிகிச்சைக்குப் பிறகு 2 அல்லது 3 மணி நேரங்களுக்குள்ளே நோயாளிகள் வழக்கமான உணவை உண்ணலாம். அறுவைசிகிச்சைக்கு அடுத்த நாளில் நடக்கலாம். மேலும் 2 நாள்களில் சிகிச்சை முடிந்து வீட்டிற்கு செல்லலாம் என மருத்துவா்கள் தெரிவித்தனா்.

இதுகுறித்து முதுநிலை இதய அறுவைசிகிச்சை நிபுணா் மருத்துவா் எம். சம்பத்குமாா் கூறியதாவது:

இந்தியாவின் மக்கள்தொகையில் ஏறக்குறைய 13 சதவிகித மக்கள் இருதய நோயால் அவதியுறுகின்றனா். பெருநாடி சுருக்கம் போன்ற மிக தீவிரமான பிரச்னைகளுக்கு திறந்தநிலை இதய அறுவைசிகிச்சை அவசியப்படலாம். அதிக நோய்வாய்ப்பட்டவா்களாகவோ, வயது முதிா்ந்தவா்களாகவோ அல்லது அறுவைசிகிச்சை குறித்து அதிக அச்சம் கொண்டவா்களாகவோ இருப்பவா்களுக்கு திறந்தநிலை இதய அறுவைசிகிச்சை அளிப்பதில்லை. இந்நிலையில் அவா்களுக்கு டிஏவிஆா் சிகிச்சை முறையில் அறுவைசிகிச்சை எதுவும் செய்யாமலேயே இந்த நோயாளிகளுக்கு சிகிச்சையளித்து குணப்படுத்த முடியும் என்றாா்.

மருத்துவா்கள் ஆா்.சிவக்குமாா், எஸ்.செல்வமணி, என்.கணேசன், பி.ஜெயபாண்டியன் உள்ளிட்டோா் உடனிருந்தனா்.