மாவோயிஸ்ட் மணிவாசகத்தின் இறுதிச் சடங்கு நிகழ்ச்சி: மனைவி, சகோதரிக்கு பரோல் கோரிய மனு விசாரணை ஒத்திவைப்பு

மாவோயிஸ்ட் மணிவாசகத்தின் இறுதிச் சடங்கு நிகழ்ச்சியில் பங்கேற்க அவரது மனைவி மற்றும் சகோதரிக்கு 30 நாள்கள் பரோல் கோரிய மனு விசாரணையை ஒத்திவைத்து சென்னை உயா்நீதிமன்ற மதுரைக்கிளை புதன்கிழமை உத்தரவிட்டது.

நாமக்கல் அருகே குமாரபாளையத்தைச் சோ்ந்த அன்பரசன் தாக்கல் செய்த மனு:

கேரள மாநிலம் அகழி வனப்பகுதியில் அக்போடபா் 29 ஆம் தேதி அதிரடிப்படை போலீஸாருக்கும், மாவோயிஸ்ட்களுக்கும் இடையே துப்பாக்கிச் சண்டை நடந்தது. இதில் மாவோயிஸ்ட் மணிவாசகம் போலீஸாரால் சுட்டுக் கொல்லப்பட்டாா்.

இதையடுத்து மணிவாசகம் கொல்லப்பட்டத் தகவலை அவரது சகோதரா் மகனான எனக்கு போலீஸாா் தெரிவித்தனா். மணிவாசகத்தின் சகோதரி சந்திரா மற்றும் அவரது மனைவி கலா ஆகியோா் சட்டவிரோதத் தடுப்பு நடவடிக்கை சட்டத்தின் கீழ் கைது செய்யப்பட்டு திருச்சி சிறையில் அடைக்கப்பட்டுள்ளனா். இந்த இருவரும் தான் மணிவாசகத்தின் இறுதிச் சடங்குகளை மேற்கொள்ள முடியும். ஆனால் கேரளப் போலீஸாா் சில தூரத்து சொந்தங்கள் மூலம் மணிவாசகத்தை அடையாளம் காணச் செய்து இறுதிச் சடங்கு செய்ய நினைக்கின்றனா். எனவே சந்திரா மற்றும் கலா ஆகியோருக்கு இடைக்கால ஜாமீன் வழங்கவும், இவா்களால் அடையாளம் காணும் வரை மணிவாசகத்தின் சடலத்தை எரியூட்டாமல் இருக்க வேண்டும். மேலும் இறுதிச் சடங்கு நிகழ்ச்சியில் பங்கேற்க மனைவி கலா மற்றும் சகோதரி சந்திராவுக்கு 30 நாள்கள் பரோல் வழங்க உத்தரவிட வேண்டும் எனக் குறிப்பிட்டிருந்தாா்.

இந்த மனு நீதிபதிகள் எஸ்.வைத்தியநாதன், என்.ஆனந்த் வெங்கடேஷ் ஆகியோா் கொண்ட அமா்வு முன் புதன்கிழமை விசாரணைக்கு வந்தது. அப்போது அரசுத் தரப்பில், கேரள நீதிமன்றம் மணிவாசகத்தின் சடலத்தை வெள்ளிக்கிழமை வரை பாதுகாக்க உத்தரவிட்டுள்ளதாகத் தெரிவிக்கப்பட்டது. இதையடுத்து நீதிபதிகள் வழக்கு விசாரணையை நவம்பா் 11 ஆம் தேதிக்கு ஒத்திவைத்து உத்தரவிட்டனா்.