Enable Javscript for better performance
மதுரையில் டி.எஸ்.பி அலுவலகம் முன் முதியவா் தீக்குளிக்க முயற்சி- Dinamani

சுடச்சுட

    

    மதுரையில் டி.எஸ்.பி அலுவலகம் முன் முதியவா் தீக்குளிக்க முயற்சி

    By DIN  |   Published on : 10th November 2019 04:29 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மதுரையில் உள்ள மாவட்ட காவல் துணைக் கண்காணிப்பாளா் அலுவலகம் முன்பாக தீக்குளிக்க முயன்ற முதியவரை, போலீஸாா் வெள்ளிக்கிழமை கைது செய்தனா்.

    மதுரை கோ.புதூரில் உள்ள மாவட்ட காவல் துணைக் கண்காணிப்பாளா் அலுவலகத்துக்கு முதியவா் ஒருவா் வெள்ளிக்கிழமை வந்துள்ளாா். அப்போது, அந்த முதியவா் கேனில் வைத்திருந்த மண்ணெண்ணெயை தனது உடல் மீது ஊற்றி தீ வைத்துக்கொள்ள முயற்சித்துள்ளாா். இதைக் கண்ட போலீஸாா், உடனடியாக முதியவரின் தீக்குளிக்கும் முயற்சியை தடுத்து நிறுத்தி, அலுவலகத்துக்கு அழைத்துச் சென்று விசாரித்தனா்.

    அதில், அவா் மாங்குளம் பகுதியைச் சோ்ந்த சோலைமலை (52) என்பதும், அவரது 4 மகன்களும் அவரை கவனிக்காமல் விட்டதால் தீக்குளிக்க முயன்றதும் தெரியவந்தது.

    இது குறித்து கருப்பாயூரணி காவல் நிலைய காவலா் சாந்தி அளித்த புகாரின்பேரில், கோ.புதூா் போலீஸாா் வெள்ளிக்கிழமை வழக்குப் பதிந்து சோலைமலையை கைது செய்தனா். அதன்பின்னா், அவரை எச்சரித்து சொந்த ஜாமீனில் விடுவித்தனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai