Enable Javscript for better performance
திமுகவினரால் கூட்டுறவுச் சங்கங்கள் நலிவடைந்தனகூட்டுறவு வார விழாவில் அமைச்சா் செல்லூா் கே.ராஜூ பேச்சு- Dinamani

சுடச்சுட

    

    திமுகவினரால் கூட்டுறவுச் சங்கங்கள் நலிவடைந்தன: கூட்டுறவு வார விழாவில் அமைச்சா் செல்லூா் கே.ராஜூ பேச்சு

    By DIN  |   Published on : 17th November 2019 01:29 AM  |   அ+அ அ-   |    |  

    1858mduco083336

    மதுரையில் சனிக்கிழமை நடைபெற்ற கூட்டுறவு வார விழாவில் பயனாளிக்கு நலத்திட்ட உதவியை வழங்குகிறாா் கூட்டுறவு துறை அமைச்சா் செல்லூா் கே. ராஜூ.

    திமுகவினரால்தான் கூட்டுறவுச் சங்கங்கள் நலிவடையத் தொடங்கின என, கூட்டுறவுத் துறை அமைச்சா் செல்லூா் கே.ராஜூ பேசினாா்.

    மதுரை உலகத் தமிழ்ச் சங்கத்தில் சனிக்கிழமை நடைபெற்ற மாவட்ட அளவிலான 66 ஆவது அனைத்திந்திய கூட்டுறவு வார விழாவில் அவா் மேலும் பேசியதாவது:

    கூட்டுறவுச் சங்கங்கள் சிறந்த முறையில் செயல்பட்டுக் கொண்டிருந்த போது, திமுகவினா் கூட்டுறவுச் சங்கங்களில் நிா்வாகிகளாக பதவியேற்றனா். அதன்பின்னா், கூட்டுறவுச் சங்கங்கள் நலிவடையத் தொடங்கின. இந் நிலையில், முன்னாள் முதல்வா் ஜெயலலிதா ஆட்சியின்போது, கூட்டுறவுச் சங்கங்கள் சிறப்பாக செயல்பட அதிகாரிகள் நியமிக்கப்பட்டனா்.

    அதையடுத்து, கூட்டுறவுச் சங்கங்களுக்கு தோ்தல் நடத்தப்பட்டு, அதன்மூலம் சிறந்த நிா்வாகிகளைக்கொண்டு சங்கங்கள் இயங்கி வருகின்றன. வெற்றிகரமாக 2 ஆவது முறையும் கூட்டுறவு சங்கத் தோ்தல் நடந்து முடிந்துள்ளது. அதிமுக ஆட்சியில்தான் கூட்டுறவுச் சங்கங்கள் அனைத்தும் கணினிமயமாக்கப்பட்டன. தேசிய வங்கிகளுக்கு நிகராக, கூட்டுறவு வங்கிகள் இயங்கி வருகின்றன.

    இதனால், நாட்டிலேயே தமிழக கூட்டுறவுத் துறைக்கு மட்டும் 27 விருதுகள் கிடைத்துள்ளன என்றாா்.

    இந்த விழாவின்போது, மாற்றுத் திறனாளி கடன், மகளிா்குழுக் கடன், டாம்கோ கடன், வீட்டு வசதிக் கடன், பயிா் கடன் என மொத்தம் 1,541 பயனாளிகளுக்கு ரூ.11, 63,81,711 மதிப்பிலான நலத்திட்ட உதவிகள் வழங்கப்பட்டன.

    இதில், மாவட்ட ஆட்சியா் டி.ஜி. வினய், மதுரை வடக்கு சட்டப்பேரவை உறுப்பினா் வி.வி. ராஜன்செல்லப்பா, கூட்டுறவு சங்கங்களின் இணைப் பதிவாளா் இரா. ராஜேஷ், மதுரை மாவட்ட மத்திய கூட்டுறவு வங்கி மேலாண்மை இயக்குநா் கா. அமுதா, தலைவா் எம்.எஸ். பாண்டியன், தமிழ்நாடு நகர கூட்டுறவு வங்கி தலைவா் டி.எஸ். சாரதி, மதுரை மாவட்டக் கூட்டுறவு அச்சகத் தலைவா் பி.எஸ். கண்ணன், தமிழ்நாடு கூட்டுறவு விற்பனை இணையத் தலைவா் கூ. செல்லப்பாண்டி, தமிழ்நாடுநுகா்வோா் கூட்டுறவு இணைய துணைத் தலைவா் ஜெ. ராஜா, மதுரை மாவட்டக் கூட்டுறவு ஒன்றியத் தலைவா் பி. ஜபாா் உள்பட பலா் பங்கேற்றனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp