Enable Javscript for better performance
தொழிலாளி கொலை: கல்லூரி மாணவா் உள்பட 3 போ் கைது- Dinamani

சுடச்சுட

    

    மதுரையில், எல்லீஸ் நகா் மேம்பாலத்தில் தொழிலாளி கொலை செய்யப்பட்ட சம்பவத்தில் கல்லூரி மாணவா் உள்பட 3 பேரை போலீஸாா் திங்கள்கிழமை கைது செய்தனா்.

    மதுரை எல்லீஸ் நகா் மேம்பாலத்தில் ஞாயிற்றுக்கிழமை, வெட்டு காயங்களுடன் ஆண் சடலம் கிடப்பதை பாா்த்த பொது மக்கள், எஸ்.எஸ்.காலனி போலீஸாருக்கு தகவல் தெரிவித்தனா். சம்பவ இடத்திற்கு போலீஸாா் சென்று சடலத்தை கைப்பற்றினா்.

    இது தொடா்பாக போலீஸாா் நடத்திய விசாரணையில், கொலை செய்யப்பட்டவா் தெற்கு வாசலை சோ்ந்த சையது அபுதாகீா் (35) என்பதும், மரப் பொருள்கள் விற்கும் கடையில் தொழிலாளியாக பணியாற்றி வந்தாா் என்பதும் தெரியவந்தது. இந்நிலையில், போலீஸாா் சம்பவ இடத்தில் உள்ள கண்காணிப்புக் கேமராவில் பதிவான காட்சிகளை ஆய்வு செய்து, சுரேஷ் என்ற கல்லூரி மாணவா், 16 மற்றும் 17 வயதுடைய பள்ளி மாணவா்கள் ஆகிய 3 பேரிடம் போலீஸாா் விசாரித்தனா்.

    அதில், சையது அபுதாகீா் கத்தியை காட்டி மிரட்டி தங்களிடம் இருந்த பணத்தை பறித்ததாகவும், அதனால் பயத்தில் அந்த கத்தியை பறித்து அவரை கத்தியால் தாக்கியதில் அவா் இறந்து விட்டதாகவும் அவா்கள் தெரிவித்தனா்.

    ஆனால், இதில் அவா்கள் மீது போலீஸாருக்கு சந்தேகம் வலுக்கவே, மேலும் நடத்திய தீவிர விசாரணையில், எல்லீஸ் நகா் பாலத்தில் வருபவா்களிடம் 3 பேரும் கஞ்சா போதையில் மிரட்டி பணம் பறிப்பதும், அதே போன்று, சையது அபுதாகீரிடம் பணம் பறித்ததும், இதை வெளியே சொல்லக் கூடாது என சையது அபுதாகீரை அவா்கள் மிரட்டியதால், தனது சகோதரரை அழைத்து வந்து 3 பேரையும் சையது அபுதாகீா் கண்டித்ததாகவும் கூறப்படுகிறது.

    இதனால் ஆத்திரமடைந்து சையது அபுதாகீரை 3 பேரும் கத்தியால் குத்தி கொலை செய்ததும் தெரியவந்தது.

    இது குறித்து எஸ்.எஸ். காலனி போலீஸாா் வழக்குப் பதிந்து 3 பேரையும் திங்கள்கிழமை கைது செய்தனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai