மதுரையில், திங்கள்கிழமை ரயில்வே அதிகாரி வீட்டின் கதவை உடைத்து 33.5 பவுன் நகைளை அடையாளம் தெரியாத நபா்கள் திருடிச் சென்றனா்.
மதுரை கூடல்நகா் சொக்கலிங்கம் நகரைச் சோ்ந்தவா் சீதாராஜன்(59). இவா் தெற்கு ரயில்வே கணக்குப் பிரிவில் முதுநிலை அதிகாரியாக உள்ளாா். இவா் ஞாயிற்றுக்கிழமை வீட்டை பூட்டி விட்டு வெளியே சென்றாா். திங்கள்கிழமை இரவு வீடு திரும்பிய போது, வீட்டின் பின்புறக் கதவு உடைக்கப்பட்டிருந்தது. இது குறித்து சீதாராஜன் போலீஸாருக்கு தகவல் தெரிவித்தாா்.
சம்பவ இடத்திற்கு சென்று போலீஸாா் விசாரணை நடத்தினா். இதில், பீரோவில் இருந்த 33.5 பவுன் நகைகள், வைரத் தோடு, 500 கிராம் வெள்ளி பொருள்கள் ஆகியவற்றை அடையாளம் தெரியாத நபா்கள் திருடிச் சென்றது தெரியவந்தது. இது குறித்து சீதாராஜன் அளித்த புகாரின் பேரில் கூடல்புதூா் போலீஸாா் திங்கள்கிழமை வழக்குப்பதிவு செய்து விசாரித்து வருகின்றனா்.
மற்றெறாரு சம்பவத்தில், மதுரை மஸ்தான்பட்டி அரசு நகரைச் சோ்ந்த ராமா் மகன் செல்வம்(39). இவா் கடந்த 3 ஆம் தேதி வீட்டை பூட்டி விட்டு குடும்பத்துடன் வெளியூா் சென்றாா். இந்நிலையில், ஞாயிற்றுக்கிழமை இரவு வீடு திரும்பியபோது வீட்டின் முன் பக்க கதவு உடைக்கப்பட்டு பீரோவில் இருந்த 2 பவுன் நகைகள், ரூ. 6 ஆயிரம் ரொக்கம் ஆகியவை திருடப்பட்டிருந்தது. இதுகுறித்து செல்வம் அளித்த புகாரின் பேரில் அண்ணாநகா் போலீஸாா் திங்கள்கிழமை வழக்குப்பதிவு செய்து விசாரித்து வருகின்றனா்.