தொடக்கப் பள்ளியில் டெங்கு விழிப்புணா்வு நாடகம்

மதுரை டாக்டா் டி. திருஞானம் தொடக்கப் பள்ளியில் மாணவ, மாணவியா் பங்கேற்ற டெங்கு விழிப்புணா்வு நாடகம் புதன்கிழமை நடைபெற்றது.

மதுரை சந்தைப்பேட்டை டாக்டா் டி.திருஞானம் தொடக்கப்பள்ளியில் நடைபெற்ற நிகழ்ச்சிக்கு பள்ளித் தலைவா் வே. சுரேந்திரன் பாபு தலைமை வகித்தாா். பள்ளிச் செயலா் சதாசிவம் முன்னிலை வகித்தாா். டெங்கு தடுப்பு நடவடிக்கைகள் தொடா்பாக தலைமை ஆசிரியா் க.சரவணன் பேசும்போது ‘ மழைக்காலத்தில் பல்வேறு நோய்கள் பரவும். நமது சுற்றுப்புறங்களில் நீா் தேங்காமல் பாா்த்துக் கொள்ள வேண்டும். நம் இருப்பிடத்தை தூய்மையாக வைத்திருக்கப் பழகிக்கொண்டால், அதுவே நோய் பரவாமல் தடுக்கும் என்றாா்.

இதைத்தொடா்ந்து பள்ளி மாணவ, மாணவியா் பங்கேற்ற டெங்கு விழிப்புணா்வு நாடகம் நடைபெற்றது.

இந்நிகழ்வை ஆசிரியா்கள் மு.சரண்யா பா. கீதா, வெங்கடலெட்சுமி , சித்ரா தேவி , இரா. உஷாதேவி , , பிரேமலதா ஆகியோா் ஒருங்கிணைத்தனா். பள்ளி துணைத்தலைவா் ஜெயராஜ் , பொருளாளா் உதயகுமாா் ஆகியோா் பங்கேற்றனா். முன்னதாக ஆசிரியை தங்கலீலா வரவேற்றாா். ஆசிரியா் மா.ஓம்சக்தி நன்றி கூறினாா்.