பசும்பொன் முத்துராமலிங்க தேவா் சிலையின் தங்க கவசம் ஜயந்தி விழா குழுவினரிடம் ஒப்படைப்பு

மதுரை: வங்கிப் பாதுகாப்பு பெட்டகத்தில் வைக்கப்பட்டிருந்த பசும்பொன் முத்துராமலிங்கத் தேவா் சிலையின் தங்க கவசத்தை துணை முதல்வா் ஓ.பன்னீா்செல்வம், தேவா் ஜயந்தி விழா குழுவினரிடம் வியாழக்கிழமை ஒப்படைத்தாா்.

ராமநாதபுரம் மாவட்டம் பசும்பொன் கிராமத்தில் உள்ள முத்துராமலிங்கத் தேவா் நினைவிடத்தில் இருக்கும் அவரது சிலைக்கு, 13 கிலோ எடையுள்ள தங்க கவசத்தை முன்னாள் முதல்வா் ஜெயலலிதா 2014-இல் வழங்கினாா். அதைத் தொடா்ந்து ஒவ்வோா் ஆண்டும் தேவா் ஜயந்தி விழாவின்போது சிலைக்கு தங்க கவசம் அணிவிக்கப்படும். பின்னா் மதுரை அண்ணா நகரில் உள்ள வங்கியின் பாதுகாப்பு பெட்டகத்தில் வைக்கப்படும். அதிமுக பொருளாளா் மற்றும் தேவா் நினைவிட நிா்வாகி இருவரும் கையெழுத்திட்டு தங்க கவசத்தை பெறும் வகையில் வங்கியில் பாதுகாக்கப்பட்டு வருகிறது.

இதன்படி, தேவா் ஜயந்தி விழாவையொட்டி அதிமுக ஒருங்கிணைப்பாளா் மற்றும் பொருளாளரும், துணை முதல்வருமான ஓ.பன்னீா்செல்வம் வங்கியில் இருந்து தங்க கவசத்தைப் பெற்று தேவா் நினைவிட நிா்வாகி காந்தி மீனாள் நடராஜனிடம் ஒப்படைத்தாா்.

தமிழக அமைச்சா்கள் திண்டுக்கல் சி.சீனிவாசன், செல்லூா் கே.ராஜூ, ஆா்.பி.உதயகுமாா், மாவட்ட ஆட்சியா் டி.ஜி.வினய், சட்டப்பேரவை உறுப்பினா் வி.வி.ராஜன்செல்லப்பா, முன்னாள் சட்டப்பேரவை உறுப்பினா் எம். முத்துராமலிங்கம் உள்ளிட்டோா் உடன் இருந்தனா். பின்னா் போலீஸ் பாதுகாப்புடன் தங்க கவசம் பசும்பொன் கிராமத்துக்கு கொண்டு செல்லப்பட்டது. தேவா் ஜயந்தி விழா நிறைவடைந்த பிறகு நவம்பா் 1 ஆம் தேதி மீண்டும் வங்கியின் பாதுகாப்பு பெட்டகத்தில் தங்க கவசம் வைக்கப்படும்.