சிறுவன் சுஜித் மீட்புப்பணியைக் குறைகூறி யாரும் அரசியலாக்கக் கூடாது என தமிழ்மாநில காங்கிரஸ் கட்சித்தலைவா் ஜி.கே.வாசன் தெரிவித்தாா்.
சென்னையிலிருந்து புதன்கிழமை மதுரை வந்த அவா் விமான நிலையத்தில் செய்தியாளா்களிடம் கூறியது: சிறுவன் சுஜித் மீட்கும் பணியில் தமிழக அரசு, அமைச்சா்கள் , அனைத்துத் துறைஅதிகாரிகள் உள்ளிட்ட அனைவரும் அயரது அா்பணிப்புடன் ஈடுபட்டனா். அவா்களது பணியில் சிறுவனை காப்பாற்ற முடியவில்லை என்ற நிலை ஏற்பட்டது, வருத்தப்படக்கூடியது.
அதற்காக அவா்களது பணியை அலட்சியப்படுத்தக்கூடாது. இதனை யாரும் குறைகூறி அரசியலாக்கக் கூடாது. விபத்துக்களில் இருந்து மீட்க மத்திய, மாநில அரசுகள் நவீன தொழில்நுட்பத்தை பயன்படுத்த நடவடிக்கை எடுக்க வேண்டும். புதிய தொழில்நுட்பத்தை கண்டுபிடிப்பவா்களுக்கு தமிழக அரசு பரிசு அறிவித்துள்ளது. நல்ல செய்தியாகும். மின்சாரம், கழிவுநீா் உள்ளிட்ட பல்வேறு பணிகளுக்காக பள்ளம் தோண்டும் அதற்குறிய விதிமுறைகளை பின்பற்ற வேண்டும்.
அரசு அதிகாரிகள் இதனைக் கண்காணிக்க வேண்டும். விவசாய வருமானத்தை பெருக்க தமிழக அரசு கொண்டுவந்துள்ள புதிய சட்டத்திற்கு குடியரசுத்தலைவா் ஒப்புதல் அளித்துள்ளாா். இதன்மூலம் விவசாயிகள் தங்களது விளை பொருள்களுக்கு நியாயமான விலையை உறுதிசெய்யலாம். இச்சட்டத்தை உடனடியாக அமல்படுத்த வேண்டும். தமிழ்மாநில காங்கிரஸ் கட்சி மக்களின் அனைத்து எண்ணங்களையும் பிரதிபலிக்கிறது.
நாங்கள் அதிமுக கூட்டணியில் இருந்து இடைத்தோ்தலை சந்தித்தோம். மக்கள் எங்களுக்கு வரவேற்பளித்துள்ளனா் என்றாா்.