சுடச்சுட

    

    தரமற்ற தார்ச் சாலை: பயன்படுத்தும் முன்பே பாலம் சேதம்

    By DIN  |   Published on : 12th September 2019 07:42 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருமங்கலத்தை அடுத்த கள்ளிக்குயில் ரூ.1 கோடியில் அமைக்கப்பட்ட தார்ச்சாலை தரமின்றி பயன்பாட்டுக்கு வருவதற்கு முன்பே சேதமடைந்ததாக அப்பகுதி பொதுமக்கள் புகார் கூறுகின்றனர். 
    கள்ளிக்குடி ஊராட்சி ஒன்றியத்துக்கு உள்பட்ட செங்கப்படை கிராமத்தில் இருந்து புளியம்பட்டி கிராமத்திற்கு செல்ல சுமார் 20 கி.மீ. தூரம் சுற்றிச் செல்ல வேண்டி இருந்தது. இதையடுத்து செங்கப்படை கிராமத்தினரும், புளியம்பட்டி கிராமத்தினரும் இரு கிராமங்களுக்கு இடையே  சேதமடைந்த தார்ச் சாலையை சீரமைத்துத் தரும்படிகோரிக்கை விடுத்தனர். 
    அதன் எதிரொலியாக இவ்விரு கிராமங்களுக்கு இடையே பிரதம மந்திரி கிராம சாலைகள் திட்டத்தின் கீழ் சுமார் 1.5 கி.மீ. தூரத்திற்கு தார்ச் சாலை மற்றும் குறுகிய பாலங்கள் அமைக்க ரூ.1 கோடியே 3 லட்சத்து 16 ஆயிரம் ஒதுக்கீடு செய்தது. இப்பணி கடந்த  ஏப்ரல் 25 ஆம் தேதி தொடங்கி நடைபெற்று வருகிறது. சாலைப்பணிகள் மற்றும் இரண்டு பாலங்கள் கட்டும் பணி நிறைவடைந்து, மூன்றாவது பாலப்பணிகள் நடைபெற்று வருகிறது. இந்நிலையில் புதிய தார்ச் சாலை தரமற்றதாக அமைக்கப்பட்டதாகவும், தற்போது கட்டப்பட்ட புதிய பாலமும் உடைந்து விழுந்து விட்டதாகவும் இப்பகுதி பொதுமக்கள் புகார் கூறுகின்றனர்.  
    இதுகுறித்து இப்பகுதியைச் சேர்ந்த மகேஸ்வரி என்பவர் கூறியது:
     இந்த சாலை சுமார் 5 ஆண்டுகளாக சேதமடைந்துள்ளது. இதனால் இப்பகுதியில் பேருந்து போக்குவரத்து துண்டிக்கப்பட்டது. இந்நிலையில் நீண்ட போராட்டத்திற்கு பின் இந்த சாலை அமைக்க நிதி ஒதுக்கீடு செய்யப்பட்டு பணிகள் நடைபெற்று வருகின்றன.
    மழை காலம் ஆரம்பிக்கும் முன்பே சாலை மிகவும் மோசமான நிலையில் உள்ளது. பாலங்களும் பயன்பாட்டுக்கு வருவதற்கு முன்பே   உடைந்து விட்டன. எனவே மாவட்ட நிர்வாகம் தலையிட்டு தரமான தார்ச் சாலை அமைக்க நடவடிக்கை எடுக்க வேண்டும் என்றார்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai