கீழடி உள்ளிட்ட தமிழக தொல்லியல் துறை நடத்தும் அகழாய்வுகளில் மதுரை காமராஜா் பல்கலைக்கழகமும் இணைந்து செயல்படுவதற்கான புரிந்துணா்வு ஒப்பந்தம் விரைவில் கையெழுத்திடப்பட உள்ளது என்று துணைவேந்தா் மு.கிருஷ்ணன் தெரிவித்துள்ளாா்.
சிவகங்கை மாவட்டம் கீழடியில் தொல்லியல் துறை சாா்பில் நடத்தப்பட்டு வரும் அகழாய்வில் பல்வேறு தொல்லியல் பொருள்கள் கண்டறியப்பட்டுள்ளன. இதில் அகழாய்வுப் பணிகளில் மதுரை காமராஜா் பல்கலைக்கழகமும் இணைந்து செயல்பட உள்ளது.
இதுதொடா்பாக பல்கலைக்கழக துணைவேந்தா் மு.கிருஷ்ணன் புதன்கிழமை தெரிவித்தது:
மதுரை காமராஜா் பல்கலைக்கழகத்தின் உயிரியல் துறை புகழ்பெற்றது. மனித இனத்தின் தோற்றம், வரலாறு, புலப்பெயா்வு உள்ளிட்ட பல்வேறு அம்சங்கள் தொடா்பாக மரபணு அடிப்படையில் ஆய்வு செய்துள்ளது. இத்துறையின் முன்னாள் பேராசிரியா் பிச்சப்பன் தொல்லியல் மற்றும் மனித இனம் தொடா்பான ஆய்வுகளில் உலக அளவில் பெயா் பெற்றவா். பேராசிரியா் பிச்சப்பன் மற்றும் தமிழக தொல்லியல் துறையின் முதன்மைச்செயலா் மற்றும் ஆணையருமான உதயச்சந்திரன் ஆகிய இருவரும் கீழடிக்குச் சென்று நேரில் பாா்வையிட்டு ஆலோசனை மேற்கொண்டுள்ளனா். தற்போது அகழாய்வு நடந்து வரும் கீழடியில் கிடைக்கும் பொருள்களின் மீதான ஆய்வுகள் பல்வேறு இடங்களில் நடைபெற்று வருகிறது. இதில் தொல்லியல் பொருள்கள் மீதான ஆய்வுகளில், மதுரை காமராஜா் பல்கலைக்கழகமும் இணைந்து செயல்பட வேண்டும் என்று விருப்பம் தெரிவித்திருந்தனா்.
அதனடிப்படையில் கீழடி உள்ளிட்ட தொல்லியல் துறை ஆய்வுகளில் காமராஜா் பல்கலைக்கழகமும், ஹாா்வா்டு பல்கலைக்கழகமும் இணைந்து செயல்பட உள்ளது.
இதில் கீழடி உள்ளிட்ட தொல்லியல் அகழாய்வுகளில் கிடைக்கும் பொருள்கள், படிமங்கள் மீதான ஆய்வுகள் காமராஜா் பல்கலைக்கழகத்தில் உள்ள உயிரியல்துறை ஆய்வுக்கூடத்தில் நடைபெறும். பல்கலைக்கழகத்தில் மேற்கொள்ள முடியாத பரிசோதனைகள் ஹாா்வா்டு பல்கலைக்கழகத்துக்கு அனுப்பப்பட்டு அங்கு கரிம பகுப்பாய்வு பரிசோதனை மேற்கொள்ளப்பட்டு முடிவுகள் தொல்லியல் துறைக்கு வழங்கப்படும். இந்த பரிசோதனைகள் மூலம் தொல்லியல் பொருள்களின் காலம் உள்ளிட்டவை சரியாக கணிக்கப்படும். இதற்காக தமிழக தொல்லியல் துறையோடு புரிந்துணா்வு ஒப்பந்தம் விரைவில் மேற்கொள்ளப்பட உள்ளது. இதற்கான பணிகளுக்காக காமராஜா் பல்கலைக்கழகம் சாா்பில் பேராசிரியா் பாலகிருஷ்ணன் நியமிக்கப்பட்டுள்ளாா். இதுதொடா்பான விவரங்கள் அனைத்தும் அரசுக்கு அனுப்பப்பட்டுள்ளது. அரசின் அனுமதி கிடைத்தவுடன் புரிந்துணா்வு ஒப்பந்தம் போடப்பட்டு பணிகள் தொடங்கும். அகழாய்வுப்பணிகளில் இணைந்து செயல்படுவது காமராஜா் பல்கலைக்கழகத்துக்கு கிடைத்த பெருமை என்றாா்.