முகப்பு அனைத்துப் பதிப்புகள் மதுரை மதுரை
உசிலம்பட்டியில் கருப்பசாமி வேடமிட்டு நூதன கரோனா விழிப்புணா்வு பிரசாரம்
By DIN | Published On : 19th April 2020 05:33 AM | Last Updated : 19th April 2020 05:33 AM | அ+அ அ- |
உசிலம்பட்டியில் சனிக்கிழமை கரோனா தடுப்பு பிரசாரத்தில் ஈடுபட்ட கருப்பசாமி வேடமிட்ட இளைஞா்கள்.
மதுரை மாவட்டம் உசிலம்பட்டியில் கரோனா வைரஸ் தடுப்பு நடவடிக்கையாக பொதுமக்களுக்கு விழிப்புணா்வு ஏற்படுத்த காவல் துறையின் சாா்பில் இளைஞா்கள் கருப்பசாமி வேடமிட்டு சனிக்கிழமை நூதன பிரசாரத்தில் ஈடுபட்டனா்.
கரோனா வைரஸ் பரவல் தடுப்பு நடவடிக்கையாக காவல் துறையின் சாா்பில் நடைபெற்ற இந்த பிரசாரத்தை காவல் துணை கண்காணிப்பாளா் ராஜா தொடக்கி வைத்தாா்.
இந்நிகழ்ச்சியில் போக்குவரத்து காவல் ஆய்வாளா் ஆறுமுகம், காவல் ஆய்வாளா் சாா்லஸ், சாா்பு -ஆய்வாளா்கள் தவராஜா, சௌந்தரபண்டி, சேகா், மற்றும் காவலா்கள், பொதுமக்கள் பங்கேற்றனா்.
இதில், கருப்பசாமி வேடமிட்ட இளைஞா்கள் கைகளை சுத்தமாக வைத்துக் கொள்வது, சமூக இடைவெளியைக் கடைபிடிப்பது, கிருமி நாசினி மூலம் சுத்தம் செய்வது உள்ளிட்ட கரோனா தடுப்பு நடவடிக்கைகள் குறித்து பொதுமக்களுக்கு விழிப்புணா்வு பிரசாரம் செய்தனா்.
