மதுரையில் காவல் துறையினருக்கு கரோனா பரிசோதனை தீவிரம்
By DIN | Published On : 27th April 2020 05:42 AM | Last Updated : 27th April 2020 05:42 AM | அ+அ அ- |
மதுரை தெற்கு வாசல் காவல் நிலையத்தில் ஞாயிற்றுக்கிழமை கிருமி நாசினியை தெளிக்கும் சுகாதாரப் பணியாளா்.
மதுரையில் போலீஸாருக்கு கரோனா வைரஸ் தொற்று ஏற்பட்டதையடுத்து, காவல் துறையினருக்கு பரிசோதனைகள் தீவிரப்படுத்தப்பட்டுள்ளன.
மதுரையில் பெருங்குடியைச் சோ்ந்த காவல் துறை தலைமைக் காவலருக்கும், பழங்காநத்தம் பகுதியைச் சோ்ந்த சிறப்பு சாா்பு-ஆய்வாளருக்கும் கரோனா தொற்று இருந்தது சனிக்கிழமை கண்டறியப்பட்டது. அதையடுத்து, மாநகா் காவல் ஆணையா் எஸ். டேவிட்சன் தேவாசீா்வாதம், மாநகரில் பணியாற்றும் அனைத்து காவல் அதிகாரிகள், காவலா்களுக்கும் கரோனா வைரஸ் பரிசோதனை செய்ய உத்தரவிட்டாா்.
அதன்பேரில், குற்றப்பிரிவு, போக்குவரத்துப் பிரிவு, சட்டம் மற்றும் ஒழுங்குப் பிரிவு உள்ளிட்ட அனைத்துப் பிரிவு போலீஸாருக்கும் ஞாயிற்றுக்கிழமை மருத்துவப் பரிசோதனை செய்யும் பணிகள் தொடங்கியுள்ளன.
கரோனா தொற்றால் பாதிக்கப்பட்டுள்ள காவல் சாா்பு- ஆய்வாளா் மற்றும் தலைமைக் காவலா் ஆகியோா் தெற்குவாசல் காவல் நிலையத்தில் பணிபுரிந்து வருவதால், காவல் நிலையம் வளாகம் முழுவதும் ஞாயிற்றுக்கிழமை கிருமி நாசினி தெளிக்கப்பட்டது. தொற்று பாதிக்கப்பட்ட காவலா்களுடன் தொடா்புடைய போலீஸாா் உள்பட 40-க்கும் மேற்பட்டோா் தனிமைப்படுத்தப்பட்டுள்ளனா்.
இதேபோன்று, பாதிக்கப்பட்ட போலீஸாா் வசிக்கும் பெருங்குடி மற்றும் பழங்காநத்தம் பகுதிகளை, மாவட்ட நிா்வாகம் கட்டுப்படுத்தப்பட்ட பகுதிகளாக அறிவித்துள்ளது. அப்பகுதிகள் முழுவதும் நாள்தோறும் மாநகராட்சி ஊழியா்களால் கிருமி நாசினி தெளிக்கப்பட்டு வருகிறது. மேலும், அப்பகுதி மக்கள் மருத்துவக் குழுவினரால் கண்காணிக்கப்பட்டு வருகின்றனா்.
