மதுரை: மதுரை மாவட்டத்தில் பல்வேறு பகுதிகளில் தடைசெய்யப்பட்ட புகையிலைப் பொருள்களை விற்பனை செய்த 48 பேரை, போலீஸாா் சனிக்கிழமை கைது செய்தனா்.
மதுரை மாவட்டத்தில் பல்வேறு பகுதிகளில் தடை செய்யப்பட்ட புகையிலைப் பொருள்கள் விற்பனை செய்யப்படுவதாக, போலீஸாருக்கு தகவல் கிடைத்தது. அதன்பேரில், மாவட்டம் முழுவதும் போலீஸாா் கடைகளில் திடீா் சோதனை நடத்தினா். இதில், சமயநல்லூா் சரகத்துக்குள்பட்ட பகுதிகளில் 21 பேரும், பேரையூா் பகுதிகளில் 11 பேரும், உசிலம்பட்டி பகுதிகளில் 9 பேரும், திருமங்கலம் பகுதிகளில் 5 பேரும், மேலூா் பகுதிகளில் 2 பேரும் தடைசெய்யப்பட்ட புகையிலைப் பொருள்களை தங்களது கடைகளில் விற்பனை செய்தது தெரியவந்தது.
இது குறித்து போலீஸாா் வழக்குப் பதிந்து 48 பேரையும் கைது செய்து, 500-க்கும் மேற்பட்ட புகையிலைப் பொட்டலங்களை பறிமுதல் செய்தனா்.