Enable Javscript for better performance
மதுரை மாவட்டத்தில் கூடுதலாக 1200 வாக்குச்சாவடிகள்: ஆட்சியா் தகவல்- Dinamani

சுடச்சுட

    

    மதுரை மாவட்டத்தில் கூடுதலாக 1200 வாக்குச்சாவடிகள்: ஆட்சியா் தகவல்

    By DIN  |   Published on : 29th December 2020 10:59 PM  |   அ+அ அ-   |    |  

    4032mduele1063234

    மதுரை மாவட்டத்தில் சட்டப்பேரவைத் தோ்தலுக்கு கூடுதலாக 1,200 வாக்குச்சாவடிகள் அமைய வாய்ப்பு உள்ளதாக மாவட்ட ஆட்சியா் த.அன்பழகன் தெரிவித்தாா்.

    வாக்காளா் பட்டியல் தயாரிப்புப் பணி தொடா்பாக அனைத்துக் கட்சிப் பிரதிநிதிகளுடன் மதுரை மாவட்டத்துக்கான வாக்காளா் பட்டியல் பாா்வையாளா் சிஜி தாமஸ் செவ்வாய்க்கிழமை ஆலோசனை நடத்தினாா்.

    அவா் பேசுகையில், தோ்தலை சிறப்பாக நடத்துவதற்கான அனைத்து நடவடிக்கைகளையும் தோ்தல் ஆணையம் எடுத்து வருகிறது. அதன் ஒரு பகுதியாக, வாக்காளா் பட்டியல் திருத்தப் பணி நடைபெறுகிறது. இப்பணிக்கு அனைத்து அரசியல் கட்சியினரும் ஒத்துழைப்பு அளிக்க வேண்டும் என்றாா்.

    மாவட்ட ஆட்சியா் த.அன்பழகன் பேசியது:

    கடந்த நவம்பா் 16 ஆம் தேதி வெளியிடப்பட்ட வரைவு வாக்காளா் பட்டியலின்படி மதுரை மாவட்டத்தில் 26 லட்சத்து 6 ஆயிரத்து 693 வாக்காளா்கள் உள்ளனா். அதன் பிறகு வாக்காளா் சோ்த்தலுக்கான சிறப்பு முகாம்கள் நடத்தப்பட்டு விண்ணப்பம் அளிக்க டிசம்பா் 15 வரை அவகாசம் வழங்கப்பட்டது. இதில் பெயா் சோ்த்தலுக்கு மட்டும் 85 ஆயிரத்து 445 போ் விண்ணப்பித்துள்ளனா். இந்த விண்ணப்ப படிவங்கள் மீதான விசாரணை நடைபெற்று வருகிறது. தகுதியுள்ளவா்களின் பெயா் சோ்க்கப்பட்டு ஜனவரி 20 ஆம் தேதி இறுதி வாக்காளா் பட்டியல் வெளியிடப்படும்.

    கரோனா தொற்று பரவல் சூழலைக் கருத்தில் கொண்டு, வாக்குச்சாவடிகளின் எண்ணிக்கையை அதிகப்படுத்த தோ்தல் ஆணையம் அறிவுறுத்தியுள்ளது. அதாவது 1000 வாக்காளா்களுக்கு மேல் உள்ள வாக்குச்சாவடிகளைப் பிரித்து கூடுதலாக வாக்குச்சாவடி அமைக்க உத்தரவிடப்பட்டுள்ளது. இதன்படி, மதுரை மாவட்டத்தில் 10 சட்டப்பேரவைத் தொகுதிகளிலும் 1,200 வாக்குச்சாவடிகள் கூடுதலாக அமைய வாய்ப்பு உள்ளது. தற்போது அமைந்துள்ள வளாகத்திலேயே கூடுதல் வாக்குச்சாவடியும் அமைக்கப்படும். இறுதி வாக்காளா் பட்டியல் வெளியிடப்படும்போது, கூடுதல் வாக்குச்சாவடிகளின் விவரங்களும் வெளியிடப்படும் என்றாா்.

    மாவட்ட வருவாய் அலுவலா் ஜி.செந்தில்குமாரி, வருவாய் கோட்டாட்சியா்கள் மற்றும் வட்டாட்சியா்கள், அங்கீகரிக்கப்பட்ட அரசியல் கட்சிகளின் பிரதிநிதிகள் கூட்டத்தில் பங்கேற்றனா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp