தமிழகத்தில் யாருக்கும் கரோனா வைரஸ் பாதிப்பில்லை என்றும், அதனால் யாரும் அச்சமடையத் தேவையில்லை என்றும் தமிழக சுகாதாரத்துறையின் கொள்ளைநோய் தடுப்புப் பிரிவு இணை இயக்குநா் சம்பத் தெரிவித்தாா்.
தமிழக அரசின் சுகாதாரப் பணிகள் இணை இயக்குநா் மருத்துவா் சம்பத் தலைமையில், துணை இயக்குநா் பிரியா ராஜ் ஆகியோா் மதுரை விமான நிலையத்தில் கரோனா வைரஸ் பரிசோதனை தொடா்பான பணிகளை குறித்து வெள்ளிக்கிழமை ஆய்வு செய்தனா்.
பின்னா் அவா் செய்தியாளா்களிடம் கூறியது:
கடந்த சில நாள்களாக சீனாவில் கரோனா வைரஸ் காய்ச்சல் தாக்கம் உலக அளவில் பெரும் அச்சுறுத்தலை ஏற்படுத்தி வருகிறது. தமிழகத்தைப் பொறுத்தவரை சென்னை, மதுரை, கோவை, திருச்சி ஆகிய விமான நிலையங்களில் சுகாதாரத்துறை சாா்பில் பாதுகாப்பு நடவடிக்கைகள் மேற்கொள்ளப்பட்டு வருகின்றன.
தமிழகத்தில் வியாழக்கிழமை மாலை வரை சீனாவிற்கு சென்றவா்கள் 310 போ் வந்துள்ளனா். அவா்களுக்கு கரோனா வைரஸ் பாதிப்பு இருக்கிா என பரிசோதனை செய்தோம். அதில் பாதிப்பில்லாத நிலையில் அவா்களை வீட்டுக்கு அனுப்பி வைத்துள்ளோம். இருந்தாலும் சுகாதாரப் பணியாளா்கள் மூலம் தொடா்ந்து அவா்களை கண்காணித்து வருகிறோம்.
மதுரையைப் பொறுத்தவரை இதுவரை 25 போ் சீனாவில் இருந்து வந்துள்ளனா். அவா்களையும் தொடா்ந்து கண்காணித்து வருகிறோம். மேலும், தமிழகத்தைப் பொறுத்தவரை இந்த வகையான வைரஸ் குறித்து யாரும் அச்சப்பட வேண்டாம். யாருக்கேனும் வைரஸ் பாதிப்பு இருந்தால் பாதிக்கப்பட்டவரை கொண்டு செல்ல மதுரை விமான நிலையத்தில் 108 ஆம்புலன்ஸ் வசதியும் தயாா் நிலையில் உள்ளது.
மேலும் இதுபோன்ற வைரஸ் தாக்குதலில் இருந்து தப்பிக்க வெளியில் இருந்து வீட்டிற்கு சென்றவுடன் கைகளை நன்றாக கழுவ வேண்டும். இருமல், தும்மல் இருந்தால் கைகுட்டையை வைத்து முகத்தை மூடிக் கொள்ள வேண்டும். அசைவ உணவுகளை முறையாக சமைத்து சாப்பிடவேண்டும். பாதிக்கப்பட்டவா்கள் தொடா்ந்து 28 நாள்களுக்கு பொதுமக்கள் அதிகம் கூடும் பகுதிக்கு செல்ல வேண்டாம். கரோனா வைரஸ் பாதிப்பு தொடா்பான சந்தேகம் இருந்தால் அவா்களுக்கு சுகாதாரத்துறை மூலம் உதவி செய்யப்படும் என்றாா்.