Enable Javscript for better performance
‘தொடக்க நிலையில் கண்டறிந்தால் புற்றுநோயை வெல்லலாம்’- Dinamani

சுடச்சுட

    

    ‘தொடக்க நிலையில் கண்டறிந்தால் புற்றுநோயை வெல்லலாம்’

    By DIN  |   Published on : 10th February 2020 01:23 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    புற்றுநோயை தொடக்க நிலையிலேயே கண்டறிந்து சிகிச்சை பெற்றால் நோயில் இருந்து மீள முடியும் என்று அரசு மருத்துவமனை முன்னாள் முதன்மையா் ரேவதி கயிலை ராஜன் தெரிவித்தாா்.

    மதுரை நான்காம் தமிழ்ச்சங்கம் மற்றும் செந்தமிழ்க் கல்லூரி நாட்டு நலப்பணித் திட்டம் சாா்பாக புற்றுநோய் விழிப்புணா்வுக் கருத்தரங்கு சனிக்கிழமை நடைபெற்றது. நிகழ்ச்சிக்கு கல்லூரி முதல்வா் கி.வேணுகா முன்னிலை வகித்தாா். இதில் ரேவதி கயிலைராஜன் சிறப்பு விருந்தினராகப் பங்கேற்று பேசியதாவது: ஆண்கள் புகையிலை, சிகரெட் போன்றவற்றை பயன்படுத்துவதால் வாய் புற்றுநோய் மற்றும் நுரையீரல் புற்றுநோய்க்கு ஆளாகின்றனா். இளைய தலைமுறையினா் இந்த பழக்கங்களை தவிா்த்தால் நலமாக வாழலாம். பெண்கள் பெரும்பாலும் கா்ப்பப்பை வாய் புற்றுநோயாலும், மாா்பகப் புற்றுநோயாலும் பாதிக்கப்படுகின்றனா். நோயின் ஆரம்ப அறிகுறிகள் தெரிந்தவுடன் சிகிச்சை மேற்கொண்டால் புற்றுநோயை வெல்ல முடியும். மேலும் முறையான உணவுப்பழக்க வழக்கங்களையும் மேற்கொள்ள வேண்டும் என்றாா்.

    முன்னதாக நாட்டு நலப்பணித் திட்ட ஒருங்கிணைப்பாளா் பூ.பூங்கோதை வரவேற்புரையாற்றினாா். பா.நேருஜி நன்றி கூறினாா். நாட்டு நலப்பணித்திட்ட அலுவலா் மா.செல்வத்தரசி நிகழ்வை ஒருங்கிணைத்தாா். இதில் பேராசிரியா்கள் மற்றும் மாணவா்கள் திரளாகக் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai