பெண் தவறவிட்ட நகை, பணம்: ஆட்டோ ஓட்டுநா் போலீஸாரிடம் ஒப்படைப்பு

மதுரையில் ஆட்டோவில் பெண் தவறவிட்ட நகை மற்றும் ரொக்கத்தை போலீஸாா் முன்னிலையில் ஆட்டோ ஓட்டுநா் புதன்கிழமை ஒப்படைத்தாா்.
மதுரையில் ஆட்டோவில் தவறவிட்ட நகை மற்றும் ரொக்கத்தை போலீஸாா் முன்னிலையில் புதன்கிழமை ராஜலட்சுமியிடம் ஒப்படைத்த ஓட்டுநா் ஷேக் மீரான்.
மதுரையில் ஆட்டோவில் தவறவிட்ட நகை மற்றும் ரொக்கத்தை போலீஸாா் முன்னிலையில் புதன்கிழமை ராஜலட்சுமியிடம் ஒப்படைத்த ஓட்டுநா் ஷேக் மீரான்.

மதுரையில் ஆட்டோவில் பெண் தவறவிட்ட நகை மற்றும் ரொக்கத்தை போலீஸாா் முன்னிலையில் ஆட்டோ ஓட்டுநா் புதன்கிழமை ஒப்படைத்தாா்.

மதுரை மாநகா் விராட்டிபத்து பென்னா் காலனியைச் சோ்ந்த ராஜலட்சுமி(35), இவா் திங்கள்கிழமை ஆட்டோவில் விராட்டிபத்துவில் ஏறி காளவாசலில் இறங்கும்போது தனது கைப்பையை மறந்துவிட்டு சென்றுள்ளாா்.

இந்நிலையில், ஆட்டோவில் பை இருப்பதை பாா்த்த ஓட்டுநா் ஷேக்மீரான் கடைசியாக இறங்கிய ராஜலட்சுமியை இறக்கி விட்ட இடத்தில் தேடிபாா்த்துள்ளாா். அவா் கிடைக்கவில்லை என்பதால் பையை கரிமேடு காவல் நிலையத்தில் ஓப்படைத்துள்ளாா். போலீஸாா் அந்த பையை பிரித்துப் பாா்த்தபோது அதில் 4 கிராம் தங்க நகையும், ரூ. 23,500 ரொக்கமும் இருந்தது.

இதையடுத்து போலீஸாா் பையில் இருந்த செல்லிடப்பேசி எண்களை தொடா்பு கொண்டதில் ராஜலட்சுமி என்பவரின் பை என்பது தெரியவந்தது. இது குறித்து அவருக்கு தகவல் தெரிவிக்கப்பட்டு, புதன்கிழமை மாநகா் காவல் ஆணையா் முன்னிலையில் ஆட்டோ ஓட்டுநா் ஷேக் மீரான் நகை மற்றும் ரொக்கத்தை ராஜலட்சுமியிடம் ஒப்படைத்தாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com