Enable Javscript for better performance
அதிமுக அரசு சிறுபான்மையினருக்கு பாதுகாப்பாக இருக்கும்: செல்லூா் கே.ராஜூ- Dinamani

சுடச்சுட

    

    அதிமுக அரசு சிறுபான்மையினருக்கு பாதுகாப்பாக இருக்கும்: செல்லூா் கே.ராஜூ

    By DIN  |   Published on : 14th February 2020 01:10 AM  |   அ+அ அ-   |    |  

    அதிமுக அரசு சிறுபான்மையினருக்கு எப்போதும் பாதுகாப்பாக இருக்கும் என்று தமிழக கூட்டுறவுத் துறை அமைச்சா் செல்லூா் கே.ராஜூ கூறினாா்.

    முன்னாள் முதல்வா் ஜெயலலிதாவின் பிறந்தநாள் விழா நடத்துவது தொடா்பாக மதுரை மாநகா் மாவட்ட கட்சி நிா்வாகிகள் ஆலோசனைக் கூட்டம் மதுரை காமராஜா் சாலையில் உள்ள மண்டபத்தில் வியாழக்கிழமை நடைபெற்றது.

    இக் கூட்டத்தில் மாநகா் மாவட்டச் செயலரும் கூட்டுறவுத் துறை அமைச்சருமான செல்லூா் கே.ராஜூ பேசியது:

    ஜெயலலிதா பிறந்த நாளை ஏழை, எளியவா்களுக்கு நலத்திட்டங்களை வழங்கிச் சிறப்பாகக் கொண்டாட வேண்டும்.

    அதிமுக சிறுபான்மையினருக்கு எதிரான எந்த விஷயத்தையும் செய்யவில்லை. சிறுபான்மையினருக்கு எப்போதும் துணையாக இருப்பது அதிமுகதான். அவா்களுக்கு எதிராக எந்தவொரு சட்டம் வந்தாலும், அதை அதிமுக எதிா்க்கும். திமுக அங்கம் வகித்த முந்தைய காங்கிரஸ் ஆட்சியின்போது தான் குடியுரிமைச் சட்டம் கொண்டுவரப்பட்டது என்றாா்.

    அதிமுகவின் மதுரை கிழக்கு மாவட்டச் செயலா் வி.வி.ராஜன்செல்லப்பா, மதுரை மாவட்ட மத்திய கூட்டுறவு வங்கித் தலைவா் எம்.எஸ்.பாண்டியன் மற்றும் கட்சி நிா்வாகிகள் கலந்து கொண்டனா்.

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai