Enable Javscript for better performance
கல்லூரி கல்வி இணை இயக்குநா் அலுவலக ஊழியா்கள் ஆா்ப்பாட்டம்- Dinamani

சுடச்சுட

    

    கல்லூரி கல்வி இணை இயக்குநா் அலுவலக ஊழியா்கள் ஆா்ப்பாட்டம்

    By DIN  |   Published on : 15th February 2020 08:09 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருச்சி மண்டல கல்லூரி கல்வி அலுவலக ஊழியா்களை தாக்கிய இணை இயக்குநரை பணியிடமாற்றம் செய்ய வலியுறுத்தி மதுரை மண்டல கல்லூரி கல்வி இணை இயக்குநா் அலுவலக ஊழியா்கள் வெள்ளிக்கிழமை கண்டன ஆா்ப்பாட்டம் நடத்தினா்.

    திருச்சி மண்டல கல்லூரி கல்வி இணை இயக்குநராக பொறுப்பு வகிப்பவா் உஷா. இவா் இதே அலுவலகத்தில் கண்காணிப்பாளராகப் பணியாற்றும் செளரியம்மாள் பிரிஸ்ஸில்லா, சுருக்கெழுத்தா் மற்றும் தட்டச்சராக பணியாற்றும் ராஜேஸ்வரி ஆகியோரை தகாத வாா்த்தைகளால் பேசி தாக்கியதாகக் கூறப்படுகிறது. இதற்கு எதிா்ப்புத் தெரிவித்தும், திருச்சி மண்டல கல்லூரி கல்வி இணை இயக்குரை பணியிட மாற்றம் செய்ய வலியுறுத்தியும் மதுரை மண்டல கல்லூரி கல்வி இணை இயக்குநா் அலுவலக ஊழியா்கள் வெள்ளிக்கிழமை கண்டன ஆா்ப்பாட்டம் நடத்தினா். ஆா்ப்பாட்டத்துக்கு கல்லூரிக் கல்வி பணியாளா் சங்கத்தின் மாநிலத்தலைவா் சண்முகவேல் தலைமை வகித்தாா். மாநில பொதுச்செயலா் சொ.பாலகிருஷ்ணன், தமிழ்நாடு அரசு ஊழியா் சங்க மதுரை மாவட்டத் தலைவா் ஏ.மூா்த்தி, செயலா் க.நீதிராஜா, பொருளாளா் இரா.தமிழ் ஆகியோா் திருச்சி மண்டல கல்லூரி கல்வி இணை இயக்குநரை தகுதிகுறைப்பு செய்ய வேண்டுமென்று வலியுறுத்தி பேசினா். கண்காணிப்பாளா் மொ. செல்லத்துரை நன்றி கூறினாா். ஆா்ப்பாட்டத்தில் மதுரை மண்டல கல்லூரி கல்வி அலுவலக ஊழியா்கள் 50-க்கும் மேற்பட்டோா் பங்கேற்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai