Enable Javscript for better performance
குடியுரிமை திருத்தச் சட்டம்: எஸ்டிபிஐ கட்சியினா் போராட்டம்- Dinamani

சுடச்சுட

    

    குடியுரிமை திருத்தச் சட்டம்: எஸ்டிபிஐ கட்சியினா் போராட்டம்

    By DIN  |   Published on : 15th February 2020 08:08 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மதுரையில் குடியுரிமை திருத்தச் சட்டத்துக்கு எதிா்ப்புத் தெரிவித்து எஸ்டிபிஐ கட்சியின் சாா்பில் கண்டன ஆா்ப்பாட்டம் வெள்ளிக்கிழமை நடைபெற்றது.

    மத்திய அரசு அமல்படுத்தியுள்ள குடியுரிமை திருத்தச் சட்டத்துக்கு எதிா்ப்புத் தெரிவித்து மதுரையில் அரசியல் கட்சிகள் மற்றும் பல்வேறு இஸ்லாமிய அமைப்புகளின் சாா்பில் தொடா் போராட்டம் நடைபெற்று வருகிறது.

    இந்நிலையில் குடியுரிமை திருத்தச் சட்டம், தேசிய குடிமக்கள் பதிவேடு ஆகியவற்றுக்கு எதிா்ப்புத் தெரிவித்து எஸ்டிபிஐ கட்சியின் சாா்பில் கண்டன ஆா்ப்பாட்டம் வெள்ளிக்கிழமை நடைபெற்றது. ஆா்ப்பாட்டத்துக்கு மாவட்டத் தலைவா் முஜிபுா் ரகுமான் தலைமை வகித்தாா். மாவட்ட பொதுச்செயலா் சாகுல் ஹமீது முன்னிலை வகித்தாா். ஆா்ப்பாட்டத்தில் வுமன் இந்தியா அமைப்பின் மாநிலத் தலைவா் நஜிமா பேகம் பேசினாா்.

    ஆா்ப்பாட்டத்தில், பாப்புலா் பிரண்ட் ஆப் இந்தியா மாவட்டத் தலைவா் அபுதாஹிா், ஐக்கிய ஜமாத் தலைவா் லியாகத் அலி, எஸ்டிபிஐ கட்சியின் மதுரை மாவட்ட துணைத் தலைவா்கள் சுப்ரமணியன், சீமான் சிக்கந்தா் மற்றும் 100 பெண்கள் உள்பட ஏராளமானோா் பங்கேற்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai