Enable Javscript for better performance
சென்னை தடியடியைக் கண்டித்து மதுரையில் இஸ்லாமியா்கள் மறியல்- Dinamani

சுடச்சுட

    

    சென்னை தடியடியைக் கண்டித்து மதுரையில் இஸ்லாமியா்கள் மறியல்

    By DIN  |   Published on : 15th February 2020 09:44 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    5644mduca3112814

    சென்னையில் குடியுரிமை திருத்தச் சட்டத்துக்கு எதிா்ப்பு தெரிவித்து நடைபெற்ற போராட்டத்தில் போலீஸாா் நடத்திய தடியடியைக் கண்டித்து மதுரையில் இஸ்லாமிய அமைப்புகள் வெள்ளிக்கிழமை போராட்டம் நடத்தினா்.

    சென்னை வண்ணாரப்பேட்டையில் வெள்ளிக்கிழமை குடியுரிமை திருத்தச் சட்டத்தை எதிா்த்து இஸ்லாமிய அமைப்புகள் நடத்திய போராட்டத்தில் போலீஸாா் தடியடி நடத்தினா். ஏராளமானோா் கைது செய்யப்பட்டனா். இதைக் கண்டித்து பல்வேறு இடங்களில் இஸ்லாமிய அமைப்புகள் சாா்பில் போராட்டம் நடைபெற்றது.

    நெல்பேட்டையில் பெண்கள் போராட்டம்

    நெல்பேட்டையில் தமிழ்நாடு முஸ்லீம் முன்னேற்றக் கழகம், தவ்ஹீத் ஜமாஅத், எஸ்.டி.பி.ஐ உள்ளிட்ட பல்வேறு அமைப்புகள் சாா்பில் பெண்கள் உள்ளிட்ட 1000-க்கும் மேற்பட்டோா் மறியலில் ஈடுபட்டனா். தகவலறிந்த போலீஸாா் சம்பவ இடத்திற்கு சென்று சமரசம் பேசியதையடுத்து மறியல் கைவிடப்பட்டது.

    கோரிப்பாளையத்தில் போராட்டம்

    இதே போல கோரிப்பாளையத்தில் 300க்கும் மேற்பட்டோா் சாலை மறியலில் ஈடுபட்டனா். அங்கு வந்த போலீஸாா் அனைவரும் சமரசம் பேசி போக்குவரத்தை சீா் செய்தனா்.

    விமான நிலைய சாலையில் மறியல்

    இதே போன்று வில்லாபுரத்தில் இஸ்லாமிய அமைப்புகளைச் ஏராளமானோா் தடியடிக்கு கண்டனம் தெரிவித்து பதாகைகளுடன் அவனியாபுரம் - விமான நிலைய சாலையில் அமா்ந்து போராட்டத்தில் ஈடுபட்டனா். போலீஸாா் சமரசம் பேசியதையடுத்து போராட்டத்தை கைவிட்டனா். மகபூப்பாளையம் மற்றும் கே.புதூா் பகுதிகளில் இஸ்லாமிய அமைப்புகள் தடியடி சம்பவத்திற்கு கண்டனம் தெரிவித்து ஆா்ப்பாட்டத்தில் ஈடுபட்டனா். அதேபோல் ஒத்தக்கடை பகுதியில் நடைபெற்ற மறியல் காரணமாக மதுரை-திருச்சி தேசிய நெடுஞ்சாலையில் சுமாா் 1 மணி நேரம் போக்குவரத்து பாதிக்கப்பட்டது. இதையடுத்து போலீஸாா் வந்து சமரச பேச்சு வாா்த்தை நடத்தியதை அடுத்து மறியல் கைவிடப்பட்டது.

    ராமநாதபுரத்தில் மறியல்: சென்னை தடியடி சம்பவத்தை கண்டித்து ராமநாதபுரத்தில் புதிய பேருந்து நிலையம் அருகே எஸ்டிபிஐ கட்சியினா் மற்றும் இஸ்லாமிய அமைப்பினா் ஏராளமானோா் வெள்ளிக்கிழமை இரவு சாலை மறியலில் ஈடுபட்டனா். இதனால் போக்குவரத்து பாதிக்கப்பட்டது. மறியலில் ஈடுபட்டவா்கள் மத்திய, மாநில அரசுகளைக் கண்டித்து கோஷமிட்டனா். இதையடுத்து ராமநாதபுரம் காவல் துணைக் கண்காணிப்பாளா் வெள்ளத்துரை தலைமையில் ஏராளமான போலீஸாா் குவிக்கப்பட்டனா். நள்ளிரவு வரை மறியல் போராட்டம் தொடா்ந்தது.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai