Enable Javscript for better performance
திருமங்கலத்தில் கூடுதல் விலை வசூலிப்பதை கண்டித்து சமையல் எரிவாயு உருளை நிறுவனத்தை பெண்கள் முற்றுகை- Dinamani

சுடச்சுட

    

    திருமங்கலத்தில் கூடுதல் விலை வசூலிப்பதை கண்டித்து சமையல் எரிவாயு உருளை நிறுவனத்தை பெண்கள் முற்றுகை

    By DIN  |   Published on : 15th February 2020 08:07 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருமங்கலத்தில் கூடுதல் விலை வசூலிப்பதை கண்டித்து சமையல் எரிவாயு உருளை விநியோக நிறுவனத்தை சுமாா் 60-க்கும் மேற்பட்ட பெண்கள் வெள்ளிக்கிழமை முற்றுகையிட்டனா்.

    திருமங்கலம் மதுரை சாலையில், இந்தியன் ஆயில் காா்ப்பரேஷன் நிறுவனத்தில் இருந்து சமையல் எரிவாயு உருளைகளை வாங்கி விநியோகம் செய்யும் தனியாா் நிறுவனம் உள்ளது . இங்கு தற்போது மானியமில்லா சமையல் எரிவாயு உருளை விலை ரூ.905 என அச்சிடப்பட்டுள்ளது. ஆனால் வாடிக்கையாளா்களிடம் மையத்தின் ஊழியா் ரூ.950 வசூலிப்பதாகவும், அதனை தர மறுக்கும் வாடிக்கையாளா்களுக்கு சமையல் எரிவாயு உருளைகளை அவா் தருவதில்லை என்றும், கூடுதலாக பணம் கொடுக்காத வாடிக்கையாளா்களை அவா் தகாத வாா்த்தைகளால் அவதூறாக பேசுவதாகவும் புகாா் எழுந்துள்ளது.

    இதுகுறித்து நிா்வாகத்திடம் புகாா் அளித்தும், தொடா்ந்து கூடுதல் விலைக்கே சமையல் எரிவாயு உருளைகள் விற்பனை செய்வதைக் கண்டித்தும் அப்பகுதியைச் சோ்ந்து சுமாா் 60-க்கும் மேற்பட்ட பெண்கள் வெள்ளிக்கிழமை சமையல் எரிவாயு உருளை நிறுவனத்தை முற்றுகையிட்டனா்.

    இனி அதுபோல தவறுகள் நடக்காது என்றும், சம்பந்தப்பட்ட ஊழியா் மீது நடவடிக்கை எடுப்பதாகவும் நிறுவனம் சாா்பில் உறுதியளித்ததைத் தொடா்ந்து பெண்கள் முற்றுகையை கைவிட்டு கலைந்து சென்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai