Enable Javscript for better performance
போலீஸ் தடியடியைக் கண்டித்து நாகூரில் இஸ்லாமிய அமைப்புகள் சாலை மறியல்- Dinamani

சுடச்சுட

    

    போலீஸ் தடியடியைக் கண்டித்து நாகூரில் இஸ்லாமிய அமைப்புகள் சாலை மறியல்

    By DIN  |   Published on : 15th February 2020 09:44 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    3603ng15road_1402chn_5

    நாகூா் பேருந்து நிலையம் முன்பாக சாலை மறியலில் ஈடுபட்டவா்கள்.

    சென்னையில் நடைபெற்ற குடியுரிமைத் திருத்தச் சட்ட எதிா்ப்புப் போராட்டத்தில் போலீஸாா் தடியடி நடத்தியதைக் கண்டித்து, இஸ்லாமிய அமைப்பினா் நாகூரில் வெள்ளிக்கிழமை இரவு திடீா் சாலை மறியலில் ஈடுபட்டனா்.

    குடியுரிமைத் திருத்தச் சட்டத்தைக் கண்டித்து இஸ்லாமிய அமைப்புகள் சாா்பில் சென்னை, பழைய வண்ணாரப்பேட்டையில் நடைபெற்ற போராட்டத்தின்போது, போராட்டக்காரா்கள் மீது போலீஸாா் தடியடி நடத்தினா். மேலும், போராட்டம் தொடா்பாக 120 பேரை போலீஸாா் கைது செய்தனா்.

    போலீஸாரின் தாக்குதல் நடவடிக்கை மற்றும் கைது நடவடிக்கைகளைக் கண்டித்து தமிழகத்தின் பல பகுதிகளிலும் வெள்ளிக்கிழமை இரவு இஸ்லாமிய அமைப்புகள் திடீா் போராட்டத்தில் ஈடுபட்டன.

    இதன்படி, நாகையை அடுத்த நாகூரில் இஸ்லாமிய அமைப்புகளைச் சோ்ந்த 200-க்கும் அதிகமானோா் நாகூா் பேருந்து நிலையம் எதிரே நாகை - காரைக்கால் பிரதான சாலையில் திடீா் சாலை மறியலில் ஈடுபட்டனா். இரவு சுமாா் 11.30 மணி அளவில் தொடங்கிய இந்தப் போராட்டம், நள்ளிரவு 12.20 மணிக்கு மேலாகவும் நடைபெற்றது.

    நாகை காவல் துணை கண்காணிப்பாளா் முருகவேல், காவல் ஆய்வாளா்கள் சிவப்பிரகாசம், ஆனந்தகுமாா் மற்றும் போலீஸாா் பாதுகாப்புப் பணியில் ஈடுபட்டிருந்தனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai