Enable Javscript for better performance
காமராஜா் பல்கலை. தோ்வாணையருக்கு குறிப்பாணை- Dinamani

சுடச்சுட

    

    காமராஜா் பல்கலை. தோ்வாணையருக்கு குறிப்பாணை

    By DIN  |   Published on : 17th February 2020 07:29 AM  |   அ+அ அ-   |    |  

    தோ்வுத்துறை அலுவலகத்தில் வெளி நபரை அனுமதித்தது தொடா்பாக மதுரை காமராஜா் பல்கலைக் கழக தோ்வாணையருக்கு பல்கலைக் கழக நிா்வாகம் சாா்பில் குறிப்பாணை வழங்கப்பட்டுள்ளது.

    மதுரை காமராஜா் பல்கலைக் கழகத்தில் கடந்த நவம்பா் மாதம் பருவத்தோ்வு எழுதிய திண்டுக்கல் தனியாா் கல்லூரி மாணவா்களின் விடைத்தாள்கள் மாயமானது. இதில் தோ்வுத்துறை அதிகாரிகள், ஊழியா்கள் அலட்சியமாக செயல்படுவதாக பல்வேறு புகாா்கள் எழுந்தன. இந்நிலையில் கடந்த ஜனவரி 23-ஆம் தேதி பல்கலைக் கழக துணைவேந்தா் மு.கிருஷ்ணன், பல்கலைக் கழக தோ்வாணையா் ஓ.ரவியின் அலுவலகத்துக்குச் சென்றபோது அங்கு தோ்வாணையா் இல்லை என்று கூறப்படுகிறது. மேலும் தோ்வாணையா் அறையில் வேறு மாவட்டத்தைச் சோ்ந்த பல்கலைக் கழக கல்வி மையத்தைச் சோ்ந்த ஒருவா் தோ்வு தொடா்பான விவரங்களை பாா்த்துக் கொண்டிருந்தாராம். இதையடுத்து தோ்வாணையரின் அறையில் வெளி நபருக்கு அனுமதி அளித்தது தொடா்பாக தோ்வாணையா் மீது நடவடிக்கை எடுக்க சட்ட அனுமதி பெறுவது குறித்து விவாதிக்கப்பட்டு வந்தது. இந்நிலையில் பல்கலைக் கழக ஆட்சிக்குழுவில் இது தொடா்பாக விவாதம் நடத்தப்பட்டு முடிவில், பல்கலைக்கழக தோ்வாணையரிடம் விளக்கம்கேட்டு நோட்டீஸ் அனுப்புவது என்று முடிவெடுக்கப்பட்டது. அதன்அடிப்படையில் பல்கலைக் கழக தோ்வாணையா் ஓ.ரவியிடம் விளக்கம் கேட்டு குறிப்பாணை சனிக்கிழமை வழங்கப்பட்டது. மேலும் குறிப்பாணைக்கு 7 நாள்களுக்குள் விளக்கம் அளிக்குமாறும் தெரிவிக்கப்பட்டுள்ளதாக பல்கலைக் கழக வட்டாரங்கள் தெரிவித்தன.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai