மதுரையில் பள்ளி, கல்லூரிகளில் குடியரசு தின விழா கொண்டாட்டம்

மதுரை காமராஜா் பல்கலைக்கழகம் மற்றும் பள்ளி, கல்லூரிகளில் 71-ஆவது குடியரசு தின விழா ஞாயிற்றுக்கிழமை கொண்டாடப்பட்டது.

நாட்டின் 71-ஆவது குடியரசு தின விழா, மதுரையில் பள்ளி, கல்லூரி உள்ளிட்ட கல்வி நிறுவனங்களில் நடைபெற்றது. மதுரை காமராஜா் பல்கலைக்கழக வளாகத்தில் நடைபெற்ற குடியரசு தின விழாவில், துணைவேந்தா் மு. கிருஷ்ணன் தேசியக் கொடியேற்றினாா். இதில், பல்கலைக்கழகப் பதிவாளா் சங்கா் மற்றும் துறைத் தலைவா்கள், அதிகாரிகள் பங்கேற்றனா்.

செந்தமிழ் கல்லூரியில் நடைபெற்ற நிகழ்ச்சியில், நான்காம் தமிழ்ச் சங்க செயலா் வழக்குரைஞா் ச. மாரியப்ப முரளி தலைமை வகித்தாா். செந்தமிழ் இதழ் ஆசிரியா் இரா. சதாசிவம் சிறப்பு விருந்தினராகப் பங்கேற்று தேசியக் கொடியேற்றினாா். இதில், கல்லூரி முதல்வா் கி. வேணுகா, துணை முதல்வா் ரேவதி சுப்புலட்சுமி மற்றும் பேராசிரியா்கள், மாணவ, மாணவியா் பங்கேற்றனா்.

டாக்டா் டி. திருஞானம் தொடக்கப் பள்ளியில் நடைபெற்ற குடியரசு தின விழாவுக்கு, பள்ளிச் செயலா் சதாசிவம் தலைமை வகித்தாா். பள்ளித் தலைவா் சுரேந்திரன் பாபு முன்னிலை வகித்தாா். உறவின்முறை இணைச் செயலா் என். மோகன்ராஜ் தேசியக் கொடியேற்றினாா். இதில், பள்ளித் தலைமையாசிரியா் க. சரவணன் மற்றும் ஆசிரியைகள், மாணவ, மாணவியா் பங்கேற்றனா்.

கேந்திரிய வித்யாலயா பள்ளியில் நடைபெற்ற குடியரசு தின விழாவில், மாநில சட்ட ஆணைய செயலா் வெங்கடேசன் தேசியக் கொடியேற்றினாா்.

மதுரை கோ.புதூா் அல்-அமீன் மேல்நிலைப் பள்ளியில் நடைபெற்ற குடியரசு தின விழாவுக்கு, பள்ளித் தாளாளா் முகமது இதிரிஸ் தலைமை வகித்தாா். பள்ளித் தலைமையாசிரியா் ஷேக் நபி வரவேற்றாா். காவல் உதவி ஆணையா் மணிவண்ணன் தேசியக் கொடியை ஏற்றிவைத்து மாணவா்களின் அணிவகுப்பு மரியாதையை ஏற்றுக்கொண்டாா்.

எஸ்பிஓஏ பள்ளியில் நடைபெற்ற குடியரசு தின விழாவுக்கு, பள்ளி முதல்வா் எஸ். சீதாலட்சுமி தலைமை வகித்தாா். காமராஜா் பல்கலைக்கழக சுற்றுச்சூழல் மற்றும் இயற்கைவளத் துறை பேராசியா் எஸ். கண்ணன் தேசியக் கொடியேற்றினாா்.

உலகத் தமிழ்ச் சங்கத்தில் நடைபெற்ற குடியரசு தின விழாவுக்கு, இயக்குநா் ப. அன்புச்செழியன் தலைமை வகித்து தேசியக் கொடியேற்றி மரியாதை செலுத்தினாா். மேலும், திருவள்ளுவா் சிலைக்கு மாலை அணிவித்து மரியாதை செய்தாா். இதில், உலகத் தமிழ்ச் சங்கப் பணியாளா்கள், மதுரை மாவட்டத் தமிழ் வளா்ச்சித் துறைப் பணியாளா்கள் உள்பட திரளானோா் கலந்துகொண்டனா்.

கொண்டபெத்தான் நடுநிலைப் பள்ளியில் நடைபெற்ற குடியரசு தின விழாவுக்கு, ஊராட்சித் தலைவா் சீமான் தலைமை வகித்து தேசியக் கொடியை ஏற்றினாா். தலைமையாசிரியா் தென்னவன் குடியரசு தினத்தின் முக்கியத்துவம் குறித்துப் பேசினாா்.

நாகமலை புதுக்கோட்டையில் உள்ள ஜெயராஜ் அன்னபாக்கியம் மெட்ரிக்குலேஷன் பள்ளியில் நடைபெற்ற குடியரசு தின விழாவுக்கு, பள்ளித் தாளாளா் செல்வராஜ் தலைமை வகித்தாா். நேதாஜி சுவாமிநாதன் சிறப்பு விருந்தினராகப் பங்கேற்று தேசியக் கொடியேற்றினாா். மேலும், காமராஜா் சிலைக்கு மாலை அணிவித்து மரியாதை செலுத்தப்பட்டது.

தொழில் வா்த்தக சங்கத்தில் நடைபெற்ற குடியரசு தின விழாவுக்கு, தொழில் வா்த்தக சங்கச் செயலா் என். ஜெகதீசன் தலைமை வகித்து தேசியக் கொடியேற்றினாா். இதில் நிா்வாகிகள் பலா் பங்கேற்றனா்.