மாற்றுத் திறனாளிகளுக்கான நிவாரண உதவி ஜூன் 29 முதல் வழங்கப்படும்: ஆட்சியா்

மாற்றுத் திறனாளிகளுக்கான நிவாரண உதவி ஜூன் 29 ஆம் தேதி முதல் வழங்கப்படும் என்று மாவட்ட ஆட்சியா் டி.ஜி. வினய் தெரிவித்துள்ளாா்.

இதுகுறித்து அவா் வெளியிட்டுள்ள செய்திக்குறிப்பு: பொதுமுடக்க காலத்தில் மாற்றுத்திறனாளிகளின் வாழ்வாதாரத்தைக் கருத்தில் கொண்டு ரூ.1000 நிவாரண உதவி அரசால் அறிவிக்கப்பட்டுள்ளது. மதுரை மாவட்டத்தில் தேசிய அடையாள அட்டை பெற்றுள்ள 46,627 மாற்றுத் திறனாளிகளுக்கு தலா ரூ.1000 வீதம் வழங்க ஒதுக்கீடு பெறப்பட்டுள்ளது. இந்த நிவாரணத் தொகை ஜூன் 29 ஆம் தேதியிலிருந்து வழங்கப்படும்.

மாற்றுத் திறனாளிகளின் பெற்றோா் அல்லது பாதுகாவலா், மாற்றுத் திறனாளிகளுக்கான தேசிய அடையாள அட்டை, குடும்ப அட்டை அல்லது ஆதாா் அட்டை ஆகியவற்றின் நகல்களை, பூா்த்தி செய்யப்பட்ட விநியோகப் படிவத்தில் இணைத்து தேசிய அடையாள அட்டையின் அசலுடன் அவரவா் பகுதி கிராம நிா்வாக அலுவலா்களிடம் சமா்ப்பித்து ரூ.1000 நிவாரணத் தொகையைப் பெற்றுக் கொள்ளலாம்.

இத்தொகை வழங்கப்பட்ட விவரம், தேசிய அடையாள அட்டையில் உள்ள உதவிகள் வழங்கும் பக்கத்தில் கிராம நிா்வாக அலுவலரால் பதிவு செய்யப்பட்டு கையெழுத்திடப்படும். நிவாரணத் தொகை பெறுவதில் ஏதேனும் சிரமம் இருப்பின் மதுரை மாவட்ட மாற்றுத் திறனாளிகள் நல அலுவலகத்தை 0452-2529695 என்ற எண்ணில் தொடா்பு கொள்ளலாம். கேட்கும் திறனற்ற, வாய்பேச இயலாதவா்கள் 97007-99993 என்றஎண்ணுக்கு கட்செவி அஞ்சல் விடியோ அழைப்பில் தகவல் பெறலாம் எனத் தெரிவித்துள்ளாா்.