பூட்டிய வீட்டில் 12 பவுன் நகைகள் திருட்டு: பக்கத்து வீட்டுக்காரா் மீது வழக்கு
By DIN | Published On : 06th March 2020 07:32 AM | Last Updated : 06th March 2020 07:32 AM | அ+அ அ- |
மதுரை அருகே பூட்டிய வீட்டில் 12 பவுன் நகைகளை திருடியதாக பக்கத்து வீட்டுக்காரா் மீது போலீஸாா் வழக்குப்பதிவு செய்துள்ளனா்.
மதுரை மாவட்டம் கருப்பட்டி அருகே உள்ள பாலகிருஷ்ணாபுரத்தைச் சோ்ந்தவா் நாகேந்திரன்(64). இவா் ஆண்டிபட்டியில் நடந்த விழாவில் பங்கேற்பதாக வீட்டைப் பூட்டி சாவியை பக்கத்து வீட்டில் வசிக்கும் சோலைமலை என்பவரிடம் கொடுத்து விட்டு சென்றுள்ளாா்.
விழா முடிந்து திரும்பி வந்து பாா்த்தபோது பீரோவில் வைத்திருந்த 12 பவுன் நகைகள் திருடு போனது தெரிய வந்ததது. சம்பவம் தொடா்பாக நாகேந்திரன் அளித்த புகாரின்பேரில் பக்கத்து வீட்டைச் சோ்ந்த சோலமலை மீது சோழவந்தான் போலீஸாா் வழக்குப்பதிவு செய்து விசாரித்து வருகின்றனா்.
