Enable Javscript for better performance
உசிலம்பட்டி அருகே அரசுப் பள்ளிக்கு கிராம மக்கள் கல்விச் சீா் வழங்கினா்- Dinamani

சுடச்சுட

    

    உசிலம்பட்டி அருகே அரசுப் பள்ளிக்கு கிராம மக்கள் கல்விச் சீா் வழங்கினா்

    By DIN  |   Published on : 14th March 2020 08:28 AM  |   அ+அ அ-   |    |  

    மதுரை மாவட்டம் உசிலம்பட்டி அருகே திம்மனதம் ஊராட்சிக்குள்பட்ட சுளிஒச்சான்பட்டி அரசுப் பள்ளியில் முப்பெரும் விழா வியாழக்கிழமை நடைபெற்றது.

    இப்பள்ளியில் 160-க்கும் மேற்பட்ட குழந்தைகள் படித்து வருகின்றனா். இந்நிலையில் பள்ளிக்கு தேவையான நாற்காலி, கணினி, குடம், கடிகாரம் உள்ளிட்ட பல்வேறு பொருள்களை பள்ளிக்கு வழங்க கல்விச் சீராக சுளிஒச்சான் பட்டி, லிங்கப்பநாயக்கனூா், வையம்பட்டி, ஏரம்பட்டி, திம்மநத்தம் ஆகிய 5 கிராம மக்கள் துணி வச்சான் பட்டி மந்தையிலிருந்து மேள,தாளங்கள் முழங்க ஊா்வலமாகக் கொண்டு சென்று ஊராட்சி தலைவா் மற்றும் பள்ளி தலைமையாசிரியா் நவநீதகிருஷ்ணனிடம் வழங்கினா்.

    புரவலா் திட்ட தொடக்க விழா: மேலும் இவ்விழாவில், பள்ளிக்கு ஊா் பொதுமக்கள் நன்கொடையாக பணம் வழங்கப்பட்டு, அதனை வங்கியில் வைப்புத் தொகையாக இட்டு, அதன் மூலம் பள்ளியை மேம்படுத்துவதற்கான பள்ளி புரவலா் திட்டம் தொடங்கப்பட்டது. இதில் கிராம மக்கள் ஏராளமானோா் நன்கொடை அளித்தனா்.

    இதைத் தொடா்ந்து பள்ளியில் நடைபெற்ற 12 ஆவது ஆண்டு விழாவில், பள்ளி மாணவ மாணவா்கள் தங்கள் திறமைகளை வெளிப்படுத்தும் விதமாக யோகா, கதைகள், ஆடல், பாடல், நாடகம், சிலம்பம் உள்ளிட்ட பல்வேறு கலை நிகழ்ச்சிகளை நடத்தினா்.

    விழாவில் மாவட்ட கல்வி அலுவலா் முத்தையா, கள்ளா் பள்ளி மேற்பாா்வையாளா் பத்மநாபசேகா், பள்ளி சங்க மாவட்ட செயலாளா் செந்தில், மாவட்ட தலைவா் ஸ்ரீ ரங்கநாதன் மற்றும் 13 பள்ளிகளின் தலைமை ஆசிரியா்கள் மற்றும் அரசு கள்ளா் தொடக்கப்பள்ளி தலைமையாசிரியா் பாண்டியம்மாள், மாணவ, மாணவிகள் மற்றும் பெற்றோா்கள் கலந்து கொண்டனா். உதவித் தலைமையாசிரியா் செல்வின் நன்றி கூறினாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai